星巴克咖啡

營業中

休息中

一直同朋友都長期係各Starbucks 作飯後茶聚的地方，所以旗艦店開幕亦令我地一齊朝聖踩點，終於撞上一日可以試到佢個pancake, 第一次食，無論上枱時既樣同食落口既口感/味道都可以話係驚嘆左，因為比預奇出色，仲要影左好耐相都完全冇走樣。通常咁樣，一定會再去食，可惜第二次食完令我唔想再食，因為無論上枱既樣同味道都係出事，麥當勞既熱香餅都比你香🌚仲要你tiramisu 果兩層溶晒出黎，咩事先☹️一睇到係feel到有啲唔對路但又一時之間諗唔到問題所在，直至睇返第一次食既圖，大家可以睇下，應該唔使我講都分得出，第一次食$78 好值得俾，第二次食覺得俾錢買個教訓😅可能無對比下你覺得仲接受到，但員工質素差距太大，話晒係旗艦店，唔應該有呢種低級錯誤。反而其他分店既員工態度更加專業，無論係落order 定係出黎既product 都保持水準，剩係飲品都做得比旗艦店好。