影片
更多
2025-01-10
283 瀏覽
之前食晚市，水準幾好。估唔到午市差咁多。我地午市叫商務套餐，每位$358。喺佢地酒店官網已full pay寫住包埋加一。無寫有任何其他收費，去到話要再收茶芥、前菜及加一。 其實唔明白要收點解唔一次過收，或清楚列明仲有其他收費。去咁多酒店都未試過咁唔清晰。而且服務態度今次都一般般，可能個別員工。午市食物hea, 味道麻麻，同平時食晚餐差好遠。唔知係咪午市做緊點心放題，比較亂，所以水準差。唔建議叫套餐。頭盤3選1，要全檯人揀同款。燒腩仔肥到啖啖油。瑤柱羹係整個餐最滿意嘅，夠足料。主菜大良煎蝦餅，原來係蝦仁炒蛋咁，有啲失望。薑蔥頭抽花尾斑球，味道可接受。整體感覺食物味道、擺盤都好似食緊3餸飯咁…. 之後炒飯都普遍。甜品仲hea, 桂圓紅棗茶，得幾粒，酒店咁嘅質素真心唔ok! 午市折咗$300幾蚊一位，酒店嚟講唔貴，但咁嘅質素真係性價比好低。情願食其他。
之前食晚市，水準幾好。估唔到午市差咁多。
我地午市叫商務套餐，每位$358。喺佢地酒店官網已full pay寫住包埋加一。無寫有任何其他收費，去到話要再收茶芥、前菜及加一。 其實唔明白要收點解唔一次過收，或清楚列明仲有其他收費。去咁多酒店都未試過咁唔清晰。而且服務態度今次都一般般，可能個別員工。
午市食物hea, 味道麻麻，同平時食晚餐差好遠。唔知係咪午市做緊點心放題，比較亂，所以水準差。唔建議叫套餐。
頭盤3選1，要全檯人揀同款。燒腩仔肥到啖啖油。
瑤柱羹係整個餐最滿意嘅，夠足料。
主菜大良煎蝦餅，原來係蝦仁炒蛋咁，有啲失望。薑蔥頭抽花尾斑球，味道可接受。整體感覺食物味道、擺盤都好似食緊3餸飯咁…. 之後炒飯都普遍。
甜品仲hea, 桂圓紅棗茶，得幾粒，酒店咁嘅質素真心唔ok!
午市折咗$300幾蚊一位，酒店嚟講唔貴，但咁嘅質素真係性價比好低。情願食其他。
張貼
