大頭蝦東南亞料理

營業中

休息中

一心係去排骨麵，點知條龍排到隔離舖，初夏30度，真心冇耐力室外排隊，所以腳快快走左入呢間野諗住食碗喇沙補償下。點知一入店，室內氣溫同室外冇分別；一坐低，周圍望下啲冷氣，一部打柴，一部滴水，根本無辦法令人有食慾。咁既環境其實係要即刻起身走人的。如果啲野食好食都算、點知碗喇沙河一上枱已深知不妙，湯底顏色同碗魚蛋粉冇分別，莫講話椰香，辣汁都冇滴，淡到一個點！放幾件豆卜就叫喇沙？可唔可以俾啲誠意。食左兩啖仲要大汗疊細汗就要投降。$50 豪比你。成餐飯，係自己攞嚟衰的。