嚐喜大不同特式餐廳小廚 (已結業)

平時呢間餐廳排隊排到出邊，我都冇機會食到。今次星期一出奇地少人，特登走來呢間餐廳度食。呢間出名煲仔飯，聽聞係用炭爐煮，但係今日實在太熱啦，所以都唔係咁想食煲仔飯，我就試吓佢啲小菜啦！三個人叫左三碟小菜，分別係豬什豆腐鍋、豉油雞、蒜蓉粉絲蒸勝瓜菜。豬什豆腐鍋味道符合預期，都不錯。豉油雞肉質比較硬，可能因為雪藏雞嘅問題。蒜蓉粉絲蒸勝瓜菜係三個小菜之中比較好食的。另外叫咗三碗白飯，但白飯口感好硬有啲似生米。下次要來宜間應該都係食返煲仔飯算。