影片
更多
2011-05-01
86 瀏覽
喜悅軒：差！差！！差！！！我們一家七口於4月30日提早慶祝母親節，並在24日在喜悅軒訂位， 當時睇過菜单覺得那個$1080六位餐唔錯，於是便訂位， 經理話訂位要落$500，可以到時才訂菜。4月30日那晚去到只不過小貓三四隻，諗住可以坐得舒服些，跟住倒啲菜单嚇一跳，八位餐要$2988，原本想要嗰個$1080套餐不見了。於是揾經理問吓，点知佢末聽完我哋講已經行咗去招呼第二枱客，離哂譜！咁冇禮貌！好！等你！但之後佢幾次經過都唔埋我哋張枱，好！再等！終於佢肯應我們，我們質疑訂位時不是這些菜單，經理話現在只有這些，多番爭取下，佢話要請示上頭，跟住去如黄鶴。我們火都嚟埋，本來想走去第二間食，但最衰又落咗訂，唯有局住食小菜。落完order後，有一個女部長施施然行埋嚟話：你哋想要嗰個$1080套餐只做到前日，今日冇喇。大佬呀！落訂時你又唔講，重攞啲唔update既菜单出嚟，而家又話冇，分明揾笨！真是乞兒！如果嗰套餐只做到前日，第一個經理可以理直氣壯同我哋講，馳乜又鬼鬼崇祟話要請示上頭，分明出蠱惑！跟住啲伙計重眼望望，低聲評論我們只点小菜，不肯点套餐。總之，呢間野冇嘢好，好在上下一心共同冇禮貌、服務差
我們一家七口於4月30日提早慶祝母親節，並在24日在喜悅軒訂位， 當時睇過菜单覺得那個$1080六位餐唔錯，於是便訂位， 經理話訂位要落$500，可以到時才訂菜。
4月30日那晚去到只不過小貓三四隻，諗住可以坐得舒服些，跟住倒啲菜单嚇一跳，八位餐要$2988，原本想要嗰個$1080套餐不見了。於是揾經理問吓，点知佢末聽完我哋講已經行咗去招呼第二枱客，離哂譜！咁冇禮貌！好！等你！但之後佢幾次經過都唔埋我哋張枱，好！再等！終於佢肯應我們，我們質疑訂位時不是這些菜單，經理話現在只有這些，多番爭取下，佢話要請示上頭，跟住去如黄鶴。我們火都嚟埋，本來想走去第二間食，但最衰又落咗訂，唯有局住食小菜。落完order後，有一個女部長施施然行埋嚟話：你哋想要嗰個$1080套餐只做到前日，今日冇喇。大佬呀！落訂時你又唔講，重攞啲唔update既菜单出嚟，而家又話冇，分明揾笨！真是乞兒！如果嗰套餐只做到前日，第一個經理可以理直氣壯同我哋講，馳乜又鬼鬼崇祟話要請示上頭，分明出蠱惑！跟住啲伙計重眼望望，低聲評論我們只点小菜，不肯点套餐。
總之，呢間野冇嘢好，好在上下一心共同冇禮貌、服務差、出蠱惑！所以你知点解隔離稻香時常滿座喇！
張貼