龍蝦燒 (已結業)

笫一次寫食評, 因為真係不吐不快!睇左街坊廚神介紹, 諗住同老婆一試. 點知俾小儀同金剛點左.千辛萬苦去到, 等左5分鐘度, 亞姐叫我入去搭住檯先, 話隔尼好快會走(但係我食完佢都未走).一張四人檯分兩pair人座, 本來都勉為其難算數, 但當隔尼個人一路食一路lur到成檯面都係骨同殼, 仲要成曰驚佢D殘渣會吐過黎, 你話仲有冇mood食?勉強叫左1隻"大"龍蝦, 1件牛扒, 1隻蠔, 1份燒菜芯, 1份燒茄子, 1個冬蔭功蜆湯, 同埋1杯大柚子茶.隻"大"龍蝦真係"大"到1隻匙更都擺唔哂(我己經叫最大$68個種, 芒果汁燒仲要加$10, 總共$78), 叫做唔難食, 但好味就一定冇份.件牛扒同快餐點飯盒個D冇分別, 但要成$20先得一件仔, D肉質同味道都怪怪地.隻蠔比較冇咁差, 但SIZE 同蠔士一樣細, 都要$18.菜芯D味又係好奇怪, 而碟茄子D油多到可以用黎炒多一碟菜.個湯唔講一定唔知係冬蔭功, D蜆唔算難食但都唔係好味.個柚子茶除左甜味外乜味都無.埋單要$200, 食完之後要同老婆出MK再食先夠飽.總之一句講哂, 就係...不知所謂.寫左咁多, 都廢事再彈佢D Servic