影片
更多
2009-02-10
15 瀏覽
細佬後日返澳洲,上機前想一家人食餐飯,爸媽都鍾意食象拔蚌,所以決定打邊爐.既然目標已定,開條象拔蚌閒閒地又幾百蚊,不如俾多少少,去間貴dd,諗住起碼條象拔蚌有保證啦!所以打咗去稻香訂位! (家住荃灣,尚有多間價格較相宜的酒家)開爐前:我幾欣賞佢個醬油架,生,熟蒜頭,椒絲樣樣有,唔似有d要逐d樣叫,但問題開始嘞,d碗油油地都算,可以用熱茶洗洗佢,但有2隻d漬洗唔到,前後叫咗3個人都無人攞俾我,ok 算.叫咗個象拔蚌加湯的set,同十多樣邊爐料.公平一點,d嘢食其實唔差,個d蝦丸墨丸仲幾好味添.當大家打到火紅火綠之際,見到細佬無食,原來佢一路都等緊條象拔蚌,咁正路梗喺問啦! D 姐姐由普通級數”見到當見唔到”去到高壇數d嘅見到你舉手佢u turn!最大問題喺有兩個阿姐傾計,指住金魚缸前面兩位”你唔認得佢咩,佢喺呀咩太個女”,一陣間987號枱俾佢……….我唔理你d枱點解唔喺出面櫃檯安排,但可唔可以唔傾計住?終於有個阿姐”唔好彩”咁俾我地擮住,佢check都無check就話”d象拔蚌通常要耐d,我知,但喺我都食咗二十分鍾啦!你check check啦！好，又喺一去無回頭！都算！又食到咁上下，食
既然目標已定,開條象拔蚌閒閒地又幾百蚊,不如俾多少少,去間貴dd,諗住起碼條象拔蚌有保證啦!所以打咗去稻香訂位! (家住荃灣,尚有多間價格較相宜的酒家)
開爐前:我幾欣賞佢個醬油架,生,熟蒜頭,椒絲樣樣有,唔似有d要逐d樣叫,但問題開始嘞,d碗油油地都算,可以用熱茶洗洗佢,但有2隻d漬洗唔到,前後叫咗3個人都無人攞俾我,ok 算.
叫咗個象拔蚌加湯的set,同十多樣邊爐料.公平一點,d嘢食其實唔差,個d蝦丸墨丸仲幾好味添.當大家打到火紅火綠之際,見到細佬無食,原來佢一路都等緊條象拔蚌,咁正路梗喺問啦! D 姐姐由普通級數”見到當見唔到”去到高壇數d嘅見到你舉手佢u turn!最大問題喺有兩個阿姐傾計,指住金魚缸前面兩位”你唔認得佢咩,佢喺呀咩太個女”,一陣間987號枱俾佢……….我唔理你d枱點解唔喺出面櫃檯安排,但可唔可以唔傾計住?終於有個阿姐”唔好彩”咁俾我地擮住,佢check都無check就話”d象拔蚌通常要耐d,我知,但喺我都食咗二十分鍾啦!你check check啦！好，又喺一去無回頭！都算！
又食到咁上下，食菜，籃菜上面有ｄ發寶膠粒同兩撻黑色嘅潺，發寶膠粒我可以接受，黑色嘅潺真喺無得傾，咁，叫人cancel啦！甲姐聽到cancel好似好意外咁，我當佢唔void得單叫佢通知部長嚟，最後當然喺無人嚟啦!十分鍾後同乙姐講cancel,佢問我換唔換過碟, 黑色潺喎…我唔想再食菜,所以都喺cancel,呢個時候阿乙姐唱山歌式咁嗌:阿丙,你幫呢枱cancel 個菜啦!阿丙姐就唱返山歌咁答:你換過碟咪得lor,再問我地講:你要咩菜?唔駛啦,你cancel 就得啦!丙姐…….(下省三十字)然後無人攞過張單寫任何嘢,問返喺隔離枱落單嘅乙姐,佢話”得架啦,cancel 咗架啦!”一分鍾後,有個丁姐埋嚟,乳鴿特價喎,好抵…”已經叫咗,唔該”你地喺咪有碟菜要換?天呀!!!!!!!!!!
到埋單時,菜錢竟然仲喺喥!不過見個侍應生都幾細心,見我用信用卡,問我扣唔扣積分,本來就因為佢呢條問題而打消寫食評呢個諗頭,但喺到佢俾張單我時,佢同我講,”小姐,唔好意思,收銀同事唔記同你扣積分,幫你過咗全數,其實我地個promotion 做到12月底架,你可以下次用架……………
講真:咁嘅經濟環境,我下次仲會唔會用千幾蚊嚟打咁嘅邊爐…………?
沿途走果陣,聽到有人話”有無搞錯,湯底同d料都到咗,豉油都未有……!”
後記:
其實,我都做過餐樓,我好體諒做飲食業嘅辛勞,所以可以忍嘅我都算,但喺,今次嘅經歷真在太離譜,但喺要投訴嘅唔喺個度嘅員工,因為嬲還嬲,眼見佢地真喺做到無停手,要檢討嘅,喺管理營運嗰班人,如果忙嘅點解安排多兩個人,就算喺散工,幫手傳菜都好ar!你掛住個Q嘜俾d咁嘅服務人,同街邊d補藥黨騙徒有咩分別?!
張貼