一浩 (已結業)

情人節的晚餐，一隻字可概括-嬲！我地七點walk in入去食，坐outdoor,本來覺得環境不錯，又有火爐取暖。之後order左個情人節set再加一個天婦羅。嗰陣係七點.. 黎左杯酒，魚生之後，個湯之後，啲嘢食開始上得好慢，等左接近半個鐘先再黎個鱈魚，鱈魚之後，下一碟一等已經個半鐘！ 基本上坐outdoor嘅人全部都不停問不停吹啲waiter,不過吹極都係乜都無得食，最後碟所謂心形扒，黎到係暖嘅，一舊全熟嘅三角形物體！ 好嬲！ 天婦羅當然無再出現過！ 全程最快嘅動作就係幫你埋單，食完呢餐嬲到上頸，完全好似食風咁，已經凍，嘢食勁慢，啲嘢食又唔得又唔多熱！最後情人節嘅晚餐係走左去七仔食燒賣依返個肚！完全唔會再有下次！ 如果你仍然想去試呢間餐廳，除非你有好多時間嘥！如果你好肚餓嘅話，我奉勸你地唔好去食，棧食到你一肚氣