影片
更多
2021-09-14
788 瀏覽
店員態度差 食物質素好差🤮 我真係唔清楚porterhouse係乜，所以就問個應該係經理嘅女士porterhouse 係牛嘅邊部份，有咩特點。佢就黑晒面咁話咪啫係porterhouse囉，我再問咁啫係牛嘅咩部位，佢就答我係rip eye嘅一種。之後我就order咗一份Porterhouse。 另一位女店員拎到過嚟就問我哋使唔使叫廚房同事切開佢，我哋話要，之後佢就拎返塊porterhouse入廚房。拎咗入廚房之後我哋等咗差唔多10分鐘佢先拎返出嚟，然後成塊扒已經凍哂。凍都算，唔知點解塊扒係可以又冇肉味又冇油香🤮仲要明明我哋係叫medium，但係塊扒唔知點解可以有一邊煎到rare咁，另一邊就medium well至well done咁🤯（rare嗰邊冇影到，食到另一邊見到咁熟先影）（btw之後我上網search返porterhouse應該係tenderloin同sirloin嘅部位嚟） 另外佢叫呢個牛扒係有跟薯條嘅，啲薯條係麥當勞幼身嗰隻，一食落口⋯⋯嘩！仲難食過麥當勞。啲薯條係炸到乾晒，中間完全空心，用叉一拮就斷開😵問個應該係經理嗰位女士，啲薯
我真係唔清楚porterhouse係乜，所以就問個應該係經理嘅女士porterhouse 係牛嘅邊部份，有咩特點。佢就黑晒面咁話咪啫係porterhouse囉，我再問咁啫係牛嘅咩部位，佢就答我係rip eye嘅一種。之後我就order咗一份Porterhouse。
另一位女店員拎到過嚟就問我哋使唔使叫廚房同事切開佢，我哋話要，之後佢就拎返塊porterhouse入廚房。拎咗入廚房之後我哋等咗差唔多10分鐘佢先拎返出嚟，然後成塊扒已經凍哂。凍都算，唔知點解塊扒係可以又冇肉味又冇油香🤮仲要明明我哋係叫medium，但係塊扒唔知點解可以有一邊煎到rare咁，另一邊就medium well至well done咁🤯（rare嗰邊冇影到，食到另一邊見到咁熟先影）（btw之後我上網search返porterhouse應該係tenderloin同sirloin嘅部位嚟）
另外佢叫呢個牛扒係有跟薯條嘅，啲薯條係麥當勞幼身嗰隻，一食落口⋯⋯嘩！仲難食過麥當勞。啲薯條係炸到乾晒，中間完全空心，用叉一拮就斷開😵問個應該係經理嗰位女士，啲薯條硬到咁係咪正常，佢竟然答我哋 係呀我哋啲薯條係偏硬🤷🏻♂️最尾佢都有叫廚房炸過第二份俾我哋，我哋先食到一份正常麥當勞質素嘅薯條🥲
最後叫咗兩個甜品同一杯飲品，一個Earl grey cake ，完全食唔到有Earl grey味，少少bergamot或者black tea嘅味都冇，食落口個質地同味道都好似牙膏，我同我啲朋友三個人每人食咗一啖仔就冇再食，我哋一向都唔會浪費食物，不過真係難食到擺唔落口。另一個red velvet cake，都係冇red velvet味，紅色嗰部份食落就係一舊乾爭爭嘅海綿蛋糕，奶白色嗰部份就好淡嘅cream加魚膠粉咁，不過都勉強食得晒嘅。杯飲品我哋叫咗Oreo milkshake，都係冇乜Oreo味冇乜奶味，一嚟到就好稀，不過都飲得落嘅。其實佢啲蛋糕都50幾蚊一件，啲五星級酒店嘅餅店例如mandarin cake shop 或者island gourmet都係收呢個價，當然我都冇預佢會好似嗰啲餅店咁好食，只係諗住喺度食嘢順便食埋甜品，但係真係冇諗過會難食到咁🤢
題外話，用餐嘅途中有個小朋友一直喺鋪面跑嚟跑去，一時又跑入類似員工休息室嘅地方，一時又跑去菜口（廚房放嘢食嗰啲位）食嘢。嗰位應該係經理嘅女士就不斷鬧個小朋友，聽佢哋嘅對話各位小朋友應該係佢帶嚟嘅，唔係其他客人嘅小朋友。其實都幾騷擾到在座嘅客人，成餐飯就喺度聽佢係咁鬧，個小朋友就係咁跑。
另外，嗰度間鋪唔大，嗰晚都唔係full，人手就好似有三個定唔知四個waiter/waitress。但係間鋪啲人做嘢全部都慢動作咁，有樣嘢要讚嘅就係女店員好勤力咁幫手斟水😀但同時廚房煮好啲嘢食就放晒喺菜口，一大堆嘢食放喺度都冇人出餐。到廚房係咁撳鐘仔，係咁叮叮叮，個女店員先施施然咁行過去慢動作出餐。我唔知三四個樓面做咁細間鋪係咪叫人手唔夠啦，但係就算人手唔夠都好，做嘢都應該要分返緩急先後掛？斟水真係重要過出餐？啲嘢食放到凍哂喎。同埋間鋪應該係收22:00
嘅，不過大約21:40我同朋友戴緊口罩拎緊嘢準備走，啲嘢都未拎起哂，嗰位應該係經理嘅女士就勁大聲咁吩咐女店員話，快啲執枱啦！唔使收工呀？
張貼
