王家沙 (已結業)

今日同女友到APM搵野食, 原本打算死日本菜, 但因為太多人排隊又肚餓而放棄左, 所以走左果隔離王家沙貪佢夠快, 點知就出事。我地兩個人叫左小籠包, 鎬貼, 蔥油餅, 馬拉盞通菜&賽磅蟹, 除左碟菜係OK之外, 其他係我食過近乎難食既一間, 小籠包乾到好似麵包咁, 鎬貼D皮厚到好似食緊麵粉咁, 真係好差.... (可能我由細食京滬菜食大所以要求高D)但離譜係賽磅蟹, 竟然用蠶豆炒!! 喂, 全香港有5%人有蠶豆症, 你起碼個餐牌食清楚或者落單時同客人講聲丫。小弟因為蠶豆症, 幾歲大時唔知道食左差D無命呀!!!佢D蠶豆切到一片片綠色仲以為係菜頭, 我食左幾片唔對路咪問下侍應呢D咩黎囉, 個侍應OK既, 佢起碼會想了解下我問題出左係邊, 之後經理拎埋碟野走過黎問我想點, 佢話賽磅蟹係咁煮喎, 我話我食過過百次都未食過有人用蠶豆整既賽磅蟹, 佢原全無心聽我解釋咁樣係會食死人, 只係問我咁你係咪想取消丫? 之後一句道歉都無!埋單離開之後, 本來同女友睇戲, 結果即時發燒, 岩岩睇完醫生返來, 好彩無咩大礙。我最嬲既唔係呢樣, 而係佢地完全唔將客人健康放上心, 以為只係取唔取消碟菜咁簡單。 有蠶