上海婆婆 (已結業)

行經上海阿婆，發覺原來"阿婆"響呢個網都入左圍！呢個網既食評都幾可信，見又冇以前咁多人等，決心去食多次啦！之前試過等位太耐！第一件事梗係嗌小龍包啦！窩貼！醉雞！雲吞拉麵！松子魚！野食質數都冇咩點變！除左小龍包！最鐘意都係個拉麵！幾十蚊，又即叫即做！門口仲有早市既餐ｔｉｍ！幾抵食！個小龍包一到，就有個人埋黎：阻阻兩位，或者一陣同兩位轉張大Ｄ既”木台”．．梗係好啦！我地只係坐張二人”木台”，真係唔係好夠位擺野！其間都有人不停加茶！可能而家冇咁忙，服務都好似好左，幾有禮貌！難怪屯門既食店都入到圍！下次會試下黎食下午茶！！