影片
更多
2015-11-16
1300 瀏覽
又一新開日本過江龍店。由於太掛住日本間天丼Tenya，又平又好食，所以知道美心集團引入日牌丼丼亭，我都躍躍欲試。呢度供應天丼、天婦羅定食、壽司、魚生飯等等，每個項目選擇唔多。因為我坐係counter席，每道菜一出我都望到，眼見壽司同魚生飯賣相都唔多好，而且唔夠新鮮，所以食返佢最擅長的天婦羅就最穩妥。天丼同天婦羅定食之間，我比較喜歡前者，將天婦羅混和醬汁同白飯一齊食係最滋味。天丼只有五個選擇，我地選左 特上天丼（$75）同 海老天丼（$85）。特上天丼有兩隻炸蝦、兩件白身魚、三件野菜（青椒、茄子、南瓜）。炸蝦比較細條，炸漿雖薄但唔夠脆，用筷子夾起，條蝦唔夠挺，還好蝦肉仍算爽甜，亦唔油膩。魚肉都嫩滑，唔錯。反而野菜更出色，尤其茄子，炸漿脆得黎茄子仍保持juicy。海老天丼有大約6隻蝦，size同特上天丼的一樣，只係單單食蝦會有少少寡。米飯選用青森縣的米，細粒但飽滿，都幾煙韌有米香，加埋由日本運來的醬汁，惹味但唔會過鹹。如果大家同我一樣，心癮起想食下天婦羅解相思，呢間都算係性價比高之選，起碼唔係貴茶餐廳好多，亦夠飽肚。值得去指數：
由於太掛住日本間天丼Tenya，又平又好食，所以知道美心集團引入日牌丼丼亭，我都躍躍欲試。
呢度供應天丼、天婦羅定食、壽司、魚生飯等等，每個項目選擇唔多。因為我坐係counter席，每道菜一出我都望到，眼見壽司同魚生飯賣相都唔多好，而且唔夠新鮮，所以食返佢最擅長的天婦羅就最穩妥。
天丼同天婦羅定食之間，我比較喜歡前者，將天婦羅混和醬汁同白飯一齊食係最滋味。天丼只有五個選擇，我地選左 特上天丼（$75）同 海老天丼（$85）。特上天丼有兩隻炸蝦、兩件白身魚、三件野菜（青椒、茄子、南瓜）。炸蝦比較細條，炸漿雖薄但唔夠脆，用筷子夾起，條蝦唔夠挺，還好蝦肉仍算爽甜，亦唔油膩。魚肉都嫩滑，唔錯。反而野菜更出色，尤其茄子，炸漿脆得黎茄子仍保持juicy。
海老天丼有大約6隻蝦，size同特上天丼的一樣，只係單單食蝦會有少少寡。米飯選用青森縣的米，細粒但飽滿，都幾煙韌有米香，加埋由日本運來的醬汁，惹味但唔會過鹹。
如果大家同我一樣，心癮起想食下天婦羅解相思，呢間都算係性價比高之選，起碼唔係貴茶餐廳好多，亦夠飽肚。值得去指數：
張貼
