咖喱至尊

營業中

休息中

舖位較細，只放到四張小圓枱，幸好空氣都夠流通。粉葛湯，是晚例湯，夠清甜，唔覺有味精呢，好好飲喎。西蘭花炒鮮魷，西蘭花好爽甜啊 ﹗鮮魷未夠爽口，口感嚥嚥靭靭，依碟菜都幾好既。食二人套餐包一個咖喱一個小炒兩碗白飯連飲品 HKD100 有找，都好抵食。巴基斯坦咖喱牛腩大辣，牛腩炆得又棉又腍又入味 ﹗推介 ﹗勁喜歡印巴咖喱既濃郁，多種香料味道豐富，激辣由胃開始散發全身，每次都食到全身發滾，連頭皮都滴汗，好正呀 ﹗一碗激辣咖喱可以送到兩碗飯呀 ﹗印度薄餅，一份得兩塊。估計係微波爐叮熱既，無可能係即做啦 ﹗熱辣辣嚥嚥靭靭，朋友仔愛撕出黎點咖喱汁，我就鐘意卷住牛腩加大量咖喱，好好味 ﹗不過會食到周圍都係囉。