新巴蜀風 (已結業)

係銅鑼灣搵食，行過少少係橋隔離少少，好方便搵！川菜愈食愈上癮！ 揀食期間先上一個前菜青瓜 - 好爽好入味！ 侍應姐姐推介左一個隱形菜色，餐牌冇架！麻椒鳳爪 - 只係麻，但唔會太辣，好入味好過癮！冇骨，食落好方便，但亦係唔係成日有既原因！ 再黎蒜泥白肉 - 特別之處係中間仲有片青瓜，食落冇咁膩，口感更豐富，蒜泥既辣味比外面既更勁！ 叫左個水煮魚 - 好香，但一d都唔油，魚好新鮮肉好實在，唔會散晒！ 見隔離枱叫左幾個飯，即刻都要叫，因為係細細兜既蒸飯，上面仲加埋粟米！蒸飯既好處係飯比較乾身，有咬口！ 再黎個四川樟茶鴨 - 送飯岩岩好，唔油膩， 外皮脆得岩岩好！