Applegreen (已結業)

之前聽朋友講過呢一間餐廳都幾好味，環境都幾好，所以今日就同朋友相聚呢度試吓。我哋叫咗個二人套餐，包括左兩杯飲品，一個前菜，兩個主菜。另外我哋都叫咗個炸薯條。前菜叫咗雜菇沙律，賣相就唔係太靚。不過炒雜菇好香蒜香味，所以都幾好味。啲沙律菜都算新鮮，食落去都好爽口。主菜就叫咗巴馬火腿薄餅，佢係薄批，所以食多幾件都唔會好濟。巴馬火腿唔會好鹹，味道啱啱好，上面都仲有少少香草，所以好清新。另外叫咗個忌廉松露意大利粉，忌廉味好重好creamy，意粉亦都唔會太淋，好爽身，都幾好味。炸薯條有好多辣粉，所以好惹味，炸得好脆，佢係幼薯條。最後埋單每人大約＄200，不過都坐左成兩個鐘，唔會趕你走