Beard Papa's (已結業)

經過Sogo 記得之前係雜誌見到Beard Papa出左新野，買左兩個試下。巴黎圈面個層的味道同質地同平時食開個d Puff 一樣，初初我以為好似puff咁有好多不同味道可以選擇，點知只有傳統vanilla......我一向對雲哩拿麻麻地，不過又想試新野.......嘻嘻，都係買左。俾完錢見姐姐拎起個圈，泵入雲哩拿餡。大家都知Sogo超多人架啦，我又買完野拎住個袋，唔想即刻食到污污穢穢.....咁啱我又要等人，所以就想搵個地方坐底先食。唉，不過要係銅鑼灣搵個位坐下都唔係咁容易....最後我去左樓上的書店，打左陣書釘......肚餓喇，又怕書店唔俾食野，所以偷偷地拎左兩口黎食....ok 喎.仲脆口，雲哩拿味唔假同平時個d一樣囉。不過最後我都係唔敢係書店整個拎出黎食，雜開之後我去左當x勞食完個正餐先攞番出黎，成個過程個圈圈都擺左有兩個鐘，好彩，個味都ok，無沐到。