影片
更多
2019-05-18
738 瀏覽
餐廳內呢個反轉嘅粉紅色巴黎鐵塔裝飾實在係太過吸睛 打卡一流 而且成間餐廳嘅氣氛都好chill!食飯同朋友聚下飲嘢傾偈都好啱🙃見到呢個鐵塔 即刻令我諗起"巴黎鐵塔反轉再反轉"😂😂〰️✏️法式紅酒燴牛尾意粉 ($111)主菜叫左個燴牛尾意粉🐮意粉同牛尾嘅分量都好多啊!!牛尾仲要鋪滿晒個意粉面🙈兩個人分享都非常之足夠 好多件牛尾都係帶骨嘅 不過每件牛尾肉都炆得非常之入味 但個紅酒味就真係唔得出有一樣野幾搞笑係 整體意粉食落嘅味道我覺得偏中式 有少少似大排檔食到嘅豉椒炒意嘅感覺🙊🙊雖然同我想像中有啲出入 不過味道其實唔差😆〰️✏️香烤蜜糖雞翼 ($63)再介紹一下小食 叫咗蜜糖雞翼🐥雞翼係比較細隻嘅 不過勝在肉質幾嫩滑 而且一啲都唔乾㗎 甜甜地嘅蜜糖烤雞翼味道好難唔好食🙃〰️✏️炸明太子芝士粟米球 ($55)然後仲叫咗個份量奇大嘅粟米球🌽炸得非常香脆而且一啲都唔厚炸粉 粟米粒好有口感 入邊嘅芝士唔算好多 但係就夠鹹香嘅 不過如果芝士分量多啲就會更加滿足🤪裏面仲包左啲煙肉🥓整體味道唔錯 覺得唔需要點旁邊嘅沙律醬都好夠啊〰️✏️Swann Lake ($95)呢杯cocktail完美咁示範左咩叫仙氣陣陣😂🧚🏻♂️
食飯同朋友聚下飲嘢傾偈都好啱🙃見到呢個鐵塔 即刻令我諗起"巴黎鐵塔反轉再反轉"😂😂
〰️
✏️法式紅酒燴牛尾意粉 ($111)
主菜叫左個燴牛尾意粉🐮意粉同牛尾嘅分量都好多啊!!牛尾仲要鋪滿晒個意粉面🙈兩個人分享都非常之足夠
好多件牛尾都係帶骨嘅 不過每件牛尾肉都炆得非常之入味 但個紅酒味就真係唔得出有一樣野幾搞笑係 整體意粉食落嘅味道我覺得偏中式 有少少似大排檔食到嘅豉椒炒意嘅感覺🙊🙊雖然同我想像中有啲出入 不過味道其實唔差😆
〰️
✏️香烤蜜糖雞翼 ($63)
再介紹一下小食 叫咗蜜糖雞翼🐥雞翼係比較細隻嘅 不過勝在肉質幾嫩滑 而且一啲都唔乾㗎 甜甜地嘅蜜糖烤雞翼味道好難唔好食🙃
〰️
✏️炸明太子芝士粟米球 ($55)
然後仲叫咗個份量奇大嘅粟米球🌽炸得非常香脆而且一啲都唔厚炸粉 粟米粒好有口感 入邊嘅芝士唔算好多 但係就夠鹹香嘅 不過如果芝士分量多啲就會更加滿足🤪裏面仲包左啲煙肉🥓整體味道唔錯 覺得唔需要點旁邊嘅沙律醬都好夠啊
〰️
✏️Swann Lake ($95)
呢杯cocktail完美咁示範左咩叫仙氣陣陣😂🧚🏻♂️又係打卡一流 乾冰令到個飲品盤充滿著仙氣🙊女仔見到實好開心🤓
佢嘅cocktail雜莓味幾濃郁 所以飲落係會酸甜酸甜嘅 而且酒精濃度對比起我叫嘅另外一杯高啲 baileys味道幾重 又有別於一般baileys會配嘅朱古力 呢個飲落fresh啲 幾好飲啊😚
〰️
✏️Frozen Elsa ($87)
見到呢杯cocktail個名咁特別 係elsa喎👱🏻♀️ 就要試下咩味😂其實一望就覺得其實無論個樣定味道上都係比較似奶昔嘅 事實都真係🤭酒精濃度較低 雖然睇好似好甜 但係飲落嘅甜度頗適中 唔會令人覺得甜膩 而且因為酒精濃度唔高都幾易入口 飲落係會有陣陣baileys同雲呢拿味 好香啊😆 另外有個好加分嘅位就係 杯cocktail面頭有粒超級巨型雕咗花嘅士多啤梨🍓咁正影完相即刻秒速啪咗佢🤭
〰️
✏️Layers of Love ($88)
成杯芭菲最令我覺得驚喜係佢面頭看似一般嘅蛋糕卷🤭🤭因為佢嘅蛋糕捲入邊並唔係一般忌廉 而係似忌廉雪糕😻😻入口非常冰涼 而芭菲入邊有好多士多啤梨肉🍓酸酸甜甜咁 仲有好多蛋糕碎粒粒 配埋雲呢拿雪糕食落幾滿足😚
張貼
