影片
更多
2018-12-10
52 瀏覽
今日放假，朋友係銅鑼灣返工，惟有辛苦啲，就佢地方食飯，哈哈。地方唔難搵，地鐵站對面就係，一出lift已經係餐廳。安排左張見到街景嘅枱俾我哋，可以望到出邊嘅馬路行人。餐廳有個巨型的粉紅色倒巴黎鐵塔，影相實在不錯，佈置都以粉色為主，但又唔會太少女，相信男仔都可以接受。西班牙黑毛豬火腿伴芝士。24個月黑毛豬火腿慢慢喺口中溶化，油脂甘香味揮散不去，配埋芝士及沙律菜，帶出另一種口感，作為前菜實在不錯。極上12安士炭燒安格斯牛仔骨。牛肉含豐富鐵質，女士食可以補身。食落淡淡都係肉，牛肉味10分濃郁，肉身軟腍，雖然睇佢兩舊細細件，但係食落份量都唔少。軟殼蟹配法式紅醬意粉。純粹見到個圖有大大隻蟹，好吸睛，所以叫黎試吓😍食落酸酸甜甜，軟殼蟹脆脆地，成隻上枱，真的很霸氣。雙層芝士海鮮薄餅。好多蜆肉同帶子，薄餅要趁熱食，趁d芝士仲未凝固，連埋海鮮大啖食先正。最後梗係唔少得個甜品，本身冇諗住食，不過見隔離枱叫咗好靚，都忍唔住試吓。粉紅色鐵塔放滿了各式的甜點，上枱時，侍應會幫我地加啲乾冰製造煙霧，好夢幻，影左唔少相。朱古力印住I love you,同男朋友食一定冧爆。另外我哋仲叫咗兩杯野飲。what the du
西班牙黑毛豬火腿伴芝士。24個月黑毛豬火腿慢慢喺口中溶化，油脂甘香味揮散不去，配埋芝士及沙律菜，帶出另一種口感，作為前菜實在不錯。
極上12安士炭燒安格斯牛仔骨。牛肉含豐富鐵質，女士食可以補身。食落淡淡都係肉，牛肉味10分濃郁，肉身軟腍，雖然睇佢兩舊細細件，但係食落份量都唔少。
軟殼蟹配法式紅醬意粉。純粹見到個圖有大大隻蟹，好吸睛，所以叫黎試吓😍食落酸酸甜甜，軟殼蟹脆脆地，成隻上枱，真的很霸氣。
雙層芝士海鮮薄餅。好多蜆肉同帶子，薄餅要趁熱食，趁d芝士仲未凝固，連埋海鮮大啖食先正。
最後梗係唔少得個甜品，本身冇諗住食，不過見隔離枱叫咗好靚，都忍唔住試吓。粉紅色鐵塔放滿了各式的甜點，上枱時，侍應會幫我地加啲乾冰製造煙霧，好夢幻，影左唔少相。朱古力印住I love you,同男朋友食一定冧爆。
另外我哋仲叫咗兩杯野飲。what the duck 好可愛，仲可以落爆炸糖增加口感。不過比較喜歡honey bee, 帶pineapple and peach味，沙冰底不錯。
張貼
