都市樂

營業中

休息中

之前跟朋友喺條巷仔到食過一間韓國小店，今次嚟開呢頭再嚟食多次😋😋叫完嘢食即刻上咗6款前菜，重要款款都唔同。個泡菜偏酸，其他都好好味。聽講係店主自己整，每日都會變，好有心！跟住叫咗個汁煮豬肉，份量都唔少，每嚿豬肉都大大嚿，食落又唔會太韌，味道偏甜。本來想試吓炙燒牛肩胛肉，但去到嘅時候已經賣曬，唯有轉食秘製炆牛肉。比我想像中多肉，有成5嚿，重要每嚿都大大嚿。牛肉食落淋淋地，好有牛味，味道甜甜咸咸，拎嚟送飯一流。每次食韓國嘢都一定會叫炒粉絲！呢到只係要50幾蚊，大大碟！整體嚟講唔錯，味道偏甜，份量都唔細，下次早d嚟試埋佢d咖啡餐牌：