影片
更多
2024-11-23
61 瀏覽
掛住台灣一於試試呢間巷仔內，有震驚到我竟然侍應係台灣人，非常友善呢🧡餐廳環境裝修採用溫和風格，感覺放鬆舒適，入面有自助飲料區，提供冰水、冬瓜茶同綠茶，實在係好貼心嘅安排🥰⭐️古早味香腸肉燥便當 $68份量好大，表面仲有隻溏心蛋同好多配菜，肉燥味道香濃，肥瘦均勻，香腸多汁，甜甜地都唔錯。🌟炸甜不辣 $40甜不辣真係食親台灣嘢都要叫，唔似魚蛋咁悶，魚漿總係帶住惹味調味，口感柔軟得嚟又有彈性，矛盾但就係咁盞鬼，食到一半又有甜甜地嘅餘韻，好食🤪🌟炸花枝丸 $40而台灣嘅花枝丸又唔知點解永遠特別香口，鮮味十足，唔洗蘸醬都好夠味，天然又好食🌟手撕巨無霸炸半雞 $118係成餐飯最期待嘅嘢食，即叫即炸都等咗一陣，一上枱原來半隻都幾大隻🤩雞皮金黃酥脆，內裡肉質鮮嫩多汁，手撕雞嘅時候啲雞油係咁滴出嚟😝佢嘅調味唔會過重，恰到好處，有少少鹹香味去襯托炸雞嘅原汁原味。-餐廳提供炸雞嘅時間有啲特別，星期一至五兩點後先供應，而星期六日就全日供應，想食嘅話要留意啦。⭐️炸雞塊香腸便當 $73便當同樣有溏心蛋同好多配菜，搭配2-3塊大炸雞塊，肉肉份量好夠🤩堆成個小山丘好吸引，男仔都夠飽，味道係經典酸酸哋嘅台式風味。-整體嚟
⭐️古早味香腸肉燥便當 $68
份量好大，表面仲有隻溏心蛋同好多配菜，肉燥味道香濃，肥瘦均勻，香腸多汁，甜甜地都唔錯。
🌟炸甜不辣 $40甜不辣真係食親台灣嘢都要叫，唔似魚蛋咁悶，魚漿總係帶住惹味調味，口感柔軟得嚟又有彈性，矛盾但就係咁盞鬼，食到一半又有甜甜地嘅餘韻，好食🤪
🌟炸花枝丸 $40
而台灣嘅花枝丸又唔知點解永遠特別香口，鮮味十足，唔洗蘸醬都好夠味，天然又好食
🌟手撕巨無霸炸半雞 $118
係成餐飯最期待嘅嘢食，即叫即炸都等咗一陣，一上枱原來半隻都幾大隻🤩雞皮金黃酥脆，內裡肉質鮮嫩多汁，手撕雞嘅時候啲雞油係咁滴出嚟😝佢嘅調味唔會過重，恰到好處，有少少鹹香味去襯托炸雞嘅原汁原味。
-
餐廳提供炸雞嘅時間有啲特別，星期一至五兩點後先供應，而星期六日就全日供應，想食嘅話要留意啦。
⭐️炸雞塊香腸便當 $73
便當同樣有溏心蛋同好多配菜，搭配2-3塊大炸雞塊，肉肉份量好夠🤩堆成個小山丘好吸引，男仔都夠飽，味道係經典酸酸哋嘅台式風味。
-
整體嚟講呢間台式餐廳嘅小食價錢好抵食同埋係餐廳唔收加一！
張貼
