一線軒雲南桂林過橋米線 (已結業)

譚仔招股上市在即，廣告鋪天蓋地，而家成日都諗起食米線。但譚仔又真係食到悶悶地，難得喺鰂魚涌捐窿捐罅，喺大街後巷搵到間好隱蔽嘅鋪頭，佢若隱若現嘅紅色，帶啲神秘，令我對佢嘅米線，充滿期待。冇諗過鋪仔細細，裝修陳設似麻辣火鍋格局。我點了肉醬、豬頸肉、木耳，三餸格局。打邊爐同食麻辣米線一樣，係要配可樂。雖然點了中辣， 但就好溫和缺少了刺激。肉醬，豆瓣味香濃，食得出應該係佢自己整。塊豬頸肉都算厚身。