圍爐取暖

營業中

休息中

有無諗位於旺角市中心都可以camping？呢間大玩室內camping主題打邊爐，真係第一次見，今次同fd 一齊偽camping，涼住冷氣打邊爐！醬料需要每位收$18，主要有炒蒜、葱粒、芫茜、辣椒粒、麻油等。湯底揀左養生既花膠雞湯 （半隻）$298，湯底呈現金黃色，雞肉份量都多同大隻。花膠另外一碗分開上，店員會系我地面前先放花膠落湯底，望落去厚身大塊，以呢個價錢黎睇呢塊花膠應該吾系太貴價既花膠，所以我無太高要求。手切牛肉拼盤 $398打邊爐最鐘意食牛，呢度有提供手切牛肉拼盤，吾洗頭痛揀邊款，每款都可以試下！拼盤有牛小排、騸牯牛肉、牛肩胛骨肉、牛舌片、牛肉粒、牛展、牛黃喉等，牛肉幾高質，牛味香濃，最喜歡牛舌，食落幾滑同爽口。珊瑚蚌 & 桂花蚌 $138桂花蚌同珊瑚蚌都幾爽口，不過珊瑚蚌比較細塊同碎。手打芝士牛肉丸 $684粒手打丸，入面有芝士餡。