影片
更多
2010-02-06
29 瀏覽
又到本樓的聚會時候, 地點選擇了彩福. 一聽到朋友話去彩福食, 好自然聯想到係食中菜, 但佢話唔係, 係食燒烤. 咁即係可以在觀塘市區食燒雞奕, 豬扒, 牛扒香腸啦........因為最早放工, 攞埋蛋糕就單人匹馬上去先, 環境是露天, ( !! 當日大風加上有時有點毛毛細雨, 真係幾凍!!!!), 但估唔到佢有支好似燈柱的物體, 是火把黎的, 咁先有番d暖意. 枱上還有雨傘, 今餐飯唔駛在雨中進行啦. (環境好受天氣影響, 天氣好個feel會更加正) 人齊, 開餐...燒烤當然離不開豬牛羊雞香腸, 仲有不少海鮮類, 有大頭蝦, 扇貝, 帶子, 鯖魚, 秋刀魚. 蔬菜類有粟米, 番薯. 仲有少少熟食, 有炒雜菜, 椒鹽豆腐, 干燒伊麵, 沙律, 同埋比較中式的羅宋湯. 啤酒汽水菓汁先生任飲. 食物由專人燒, 我地負責食就好了, 當日就有兩位部長幫我地燒, 兩位部長真係好好人, 同埋好盞鬼, 令到我地食得好開心. 佢地亦都好窩心, 我地叫佢地不如幫我地燒番熱D炸豆腐同伊麵, 點知佢話不如整過D新野出黎, 不特止, 仲成碟上左我地枱. 真係要多謝部長 食物算係咁啦, 燒的食
因為最早放工, 攞埋蛋糕就單人匹馬上去先, 環境是露天, ( !! 當日大風加上有時有點毛毛細雨, 真係幾凍!!!!), 但估唔到佢有支好似燈柱的物體, 是火把黎的, 咁先有番d暖意. 枱上還有雨傘, 今餐飯唔駛在雨中進行啦. (環境好受天氣影響, 天氣好個feel會更加正)
人齊, 開餐...燒烤當然離不開豬牛羊雞香腸, 仲有不少海鮮類, 有大頭蝦, 扇貝, 帶子, 鯖魚, 秋刀魚. 蔬菜類有粟米, 番薯. 仲有少少熟食, 有炒雜菜, 椒鹽豆腐, 干燒伊麵, 沙律, 同埋比較中式的羅宋湯. 啤酒汽水菓汁先生任飲. 食物由專人燒, 我地負責食就好了, 當日就有兩位部長幫我地燒, 兩位部長真係好好人, 同埋好盞鬼, 令到我地食得好開心. 佢地亦都好窩心, 我地叫佢地不如幫我地燒番熱D炸豆腐同伊麵, 點知佢話不如整過D新野出黎, 不特止, 仲成碟上左我地枱. 真係要多謝部長
食物算係咁啦, 燒的食物都好難唔好味既, 環境再加上兩位部長, 以及其他人的服務(本來無人黎收碟, 但叫了一次之後就有位人兄專門收我地枱面的碟) , 就算我唔黎BBQ (等天氣好番D先), 都會黎飲茶啦.
張貼