Avobar (已結業)

今天放假喺尖沙咀行完街行到好肚餓..見到有間餐廳裝修幾靚座位寬躺入去休息吓😮‍💨原來係專賣牛油果食品嘅餐廳👏🏼本身對牛油果嘅概念只係沙律會加落去🤒但係睇睇餐牌原來佢喺主食同埋甜品入邊都有用到。叫咗個lunch set有湯，主菜同埋甜品。個湯係周打蜆湯，入邊啲薯仔煲到好林，暖暖胃好舒服。🤤主菜叫咗個煙三文魚牛油果漢堡，一上枱就好驚喜原來個漢堡係冇用包嘅。係用一整個牛油果夾住入邊啲配料。😮隔離嘅炸番薯條都好脆，同個涼嘅牛油果包好夾。👍🏼👍🏼甜品叫咗個香蕉pancake，個pancake新鮮整起熱辣辣。上面嘅香蕉蓉一唔會太甜。一個輕食嘅lunch，比較少其他餐廳有呢類菜式，經過嘅值得一試👻