影片
更多
2009-11-29
20 瀏覽
琴日生日, 朋友今日同我補祝, 我經報紙介紹下決定黎呢度食.本來打算到流浮山食蠔, 但由於朋友夜放工, 而且佐敦近佢公司, 所以就黎呢度食 "市區蠔" 啦~ 早一晚 book 左位, 入到場都唔多人, 鋪面有d 細,侍應姐姐們好nice (唔係客氣果種, 係搞笑果種),聞說呢度出名燒蠔同蠔湯, 我同朋友就好似唔洗錢係咁點.....- 天山菇菌蠔湯- 海鹽燒蠔- 黑松露燒蠔- 花蝦- 扇貝- 鰻魚- 芝士讓無骨雞亦- 雞腎- 和牛- 芝士腸- 錫紙包蒜油什菇仲有幾樣唸唔起... 因為真係點左好多.... (兩個肥婆係咁食食食)除左黑松露燒蠔有d 咸之外, 朋友最估唔到既係海鹽燒蠔比黑松露更好味 佢地既海鹽燒除左有鹽, 仲有加入香草, 令蠔味更突出~ 第二滿意就係個芝士讓無骨雞亦.雖然芝士味好似唔多覺得有, 但係帶有丁丁點點辣, 加上蜜糖同香草, 七味粉,惹味之至~ 咬落啖啖肉, 爽到呢......由於今晚電視做緊大結局前奏, 侍應姐姐們都圍埋一齊睇電視,但服務都絕不怠慢, 仲主動撩我地傾計.(最好係唔多野講, 一句起兩句止, 唔好阻住我地同d 蠔開戰)整體感覺好好~~以後想食蠔, 唔一定
本來打算到流浮山食蠔, 但由於朋友夜放工,
而且佐敦近佢公司, 所以就黎呢度食 "市區蠔" 啦~
早一晚 book 左位, 入到場都唔多人, 鋪面有d 細,
侍應姐姐們好nice (唔係客氣果種, 係搞笑果種),
聞說呢度出名燒蠔同蠔湯, 我同朋友就好似唔洗錢係咁點.....
- 天山菇菌蠔湯
- 海鹽燒蠔
- 黑松露燒蠔
- 花蝦
- 扇貝
- 鰻魚
- 芝士讓無骨雞亦
- 雞腎
- 和牛
- 芝士腸
- 錫紙包蒜油什菇
仲有幾樣唸唔起... 因為真係點左好多.... (兩個肥婆係咁食食食)
除左黑松露燒蠔有d 咸之外, 朋友最估唔到既係海鹽燒蠔比黑松露更好味
佢地既海鹽燒除左有鹽, 仲有加入香草, 令蠔味更突出~
第二滿意就係個芝士讓無骨雞亦.
雖然芝士味好似唔多覺得有, 但係帶有丁丁點點辣, 加上蜜糖同香草, 七味粉,
惹味之至~ 咬落啖啖肉, 爽到呢......
由於今晚電視做緊大結局前奏, 侍應姐姐們都圍埋一齊睇電視,
但服務都絕不怠慢, 仲主動撩我地傾計.
(最好係唔多野講, 一句起兩句止, 唔好阻住我地同d 蠔開戰)
整體感覺好好~~
以後想食蠔, 唔一定要咁辛苦等齊人去流浮山咁遠啦~
"市區蠔" 都係一個唔錯選擇啵~
張貼