諾亞半熟蛋糕專門店 (已結業)

我生日那天，媽媽本來打算去新開無耐的諾亞買士多啤梨蛋糕，點知她傍晚去到，店員話賣晒喎。不過咁岩她見到諾亞新出的「焦糖雲呢拿布丁蛋糕」，就打電話問我，咁我聽到有新野試就梗係話好啦。我夜晚返到屋企，就見到餐桌上有個咁大盒的蛋糕啦，盒的包裝成隻貓耳咁，又幾得意喎~盒面列得好清楚，布丁蛋糕的取法，只要跟住做就得架啦。呢度的蛋糕，如果唔係立刻食，最好就放在雪櫃，食之前拿出來稍為解凍後就最好味了。一打開盒蓋，驟眼看好似之前我食過的半熟蛋糕。尺寸和一般的 1.5-2 磅蛋糕相若。咦~ 拎開蛋糕之後，盒底仲有幾隻膠义和紙碟，真係細心啦。食之前首先要預備一隻大碟，然後把整個膠盒倒轉。把膠盒拿走，然後等牛油紙入面的糖漿倒在蛋糕上面，等一兩分鐘就把牛油紙拿走。呢件「焦糖雲呢拿布丁蛋糕」就食得啦。焦糖糖漿充滿著整件蛋糕，心想應該會好甜的... 只看外表，已經 feel 到整件蛋糕軟淋淋的，所以我都唔敢插支生日蠟燭上去，驚住一插之後就會塌下。果然一切之下，這件布丁蛋糕實在軟身得很。蛋糕的上層是充滿濃郁雲呢拿味的布甸，好軟好滑又好甜。下層就係好似海綿咁既蛋糕，質感非常濕潤，濕潤到可以從海綿蛋糕裡擠出糖漿來，而且充