鹿角巷 (已結業)

身為布甸狗粉絲點會錯過佢同鹿角巷合作既活動呢～太遲去試結果最想買既布甸狗保溫杯已經賣晒，只可以預購🥲，7月憑單取貨。一去到已經見到有大量打卡位啦💕💕講返兩杯野飲先布甸九號黑糖鹿丸奶茶（$46）奶茶入面有黑糖珍珠同埋原粒既布甸，睇相賣相一流，最啱打卡。但係現實係一拎到手粒布甸已經沉緊落去，要打卡既朋友記住要快手啦！味道方面都唔錯，雖然有黑糖又有布甸，但都唔會話太甜，而且有咁多配料，飲落好有滿足感，一個字：正！雪絨桃果鹿甸甸（$42）呢杯有熱飲同凍飲，出面30幾度高溫我就緊係揀凍飲啦。本身幾鍾意蜜桃所以幾期待，點知佢係將連皮既蜜桃榨完汁就落去…..飲落雖然啖啖蜜桃肉，但成口都係毛絨絨既蜜桃皮😢終於知點解杯野叫雪絨啦😐唔知係咪因為我唔想飲到啲蜜桃皮所以飲得好慢，啲冰溶左所以杯野飲偏淡，整體而言蜜桃味好足既，但我唔會再飲，因為我真係好唔鍾意食啲水果皮😢