Burger's Friend Forever (希慎廣場)

營業中

休息中

hysan樓下新裝修後開左food court ，第一次去食晚餐，有好多嘢食，中西日韓泰菜都有😋真系花多眼亂，見到呢間西餐好多人食，漢堡包又好大個，意粉都好精緻，價錢又唔貴，一於試嚇啦！.侯斯頓漢堡🍔 有煙肉🥓又有牛肉，煙肉好脆，唔會油淋淋，唔系平時好肥嘅煙肉，牛肉好厚好多汁。加加埋埋個漢堡包好高，個口細啲都冇辦法一啖咬啊😍😍重點系佢啲洋蔥🧅，炸到金黃色好脆，口感好豐富！ .香蒜白酒蜆肉意粉🍝 最值得一提系非常多蜆肉，雖然唔系好大粒，但系好鮮甜🤩！而且都好大份，意粉嘅軟硬度都啱啱好，比較有唗口！ 黑松露雜菌忌廉湯🫕 個質地系好creamy，飲得出系由粒粒蘑菇打碎再煮成湯，每一啖都會飲到黑松露同埋雜菌嘅鮮味！