Ehonia (已結業)

話說希慎廣場有間餐廳係由兩間舖頭一齊營運，咖啡等飲品就係由N.O.T. Specialty Coffee主理，而食物就由Ehonia主理~ 佢地係share 座位，但叫餐個陣係分開收錢😉《Ehonia》‣ Black Truffle Mushroom Linguine ($98)意粉稍為淋左少少，但都煮到幾掛汁👍🏻黑松露同菇味都幾香，但再濃郁啲會更正🤩整體黎講都唔錯～‣ Pan Seared Hanger Steak With Dauphinoise Potato ($138)呢份牛排冇得揀幾成熟，但岀黎效果好驚艷🤩🤩🤩 首先佢係切開左好多塊，而且每塊個大細都好適中，可以一啖放入口，方便進食👍🏻 然後煎到外脆內軟，鎖到肉汁，真係食唔停口！😍 作為配菜既薯仔同樣好岀色，佢既特別之處係佢係好似千層麵咁一層層嘅，好有心思！ 整體而言呢份性價比好高😍😍😍‣ Tiramisu ($68)呢份都唔錯，手指餅都幾濕潤但唔會太淋，食到酒味，咖啡味就相對較淡；表面嘅Cream份量都唔錯，食完唔會漏；加分位係兩層手指餅中間有啲脆脆，同埋最頂層撤有花瓣同另一種脆脆，成份食落口感好豐富，整體都唔錯🤣