名館 (已結業)

今次已經係第二次黎名館食野，仲突登帶埋鐘意食中餐既屋企人黎。最重要係佢既中菜整得好有特式同埋環境都好正﹗今日算早黎到，都已經好多人，好在岩岩有張枱俾我地一行三人。呢度有２份ＭＥＮＵ　，一份係好似平時茶樓點菜紙咁，另一份就係厚厚一本俾你睇實樣，好貼心。我地一共點佐８樣野，都幾誇張，不過呢度既價錢真係好抵，純粹單睇價錢完全唔會覺得自己係銅鑼灣希慎度食野先黎第一個係陳醋珊瑚紅海哲頭，呢個我上次都有點，好正，陳醋味好香甜，我自己好鐘意陳醋，無論雞腳、黃瓜、都好配﹗佢呢度菜配埋小小辣辣味，非常開胃，海哲頭脆卜卜咁又大塊，口感十足十，所以今次黎到再點，下次黎都會點乳鴿，燒魂妙齡乳鴿，一隻58真係好抵，外脆內軟，又香口，見到好多人直頭係呢度買外賣返去食。呢個小籠包都好正，黑松露小籠包，黑松露係個包頂，小小地唔會太搶個小籠包個肉汁味，皮好薄但又整得好均勻，唔會一夾就穿，成舊放入口。感受味道既溶合，好正﹗呢個波波係全晚我覺得最正既，金黃球泡飯，我都好想知個飯到底係點整，整到個波咁，就咁望以為會好硬，點知一壓落去，就知勁野外層做得好脆，入面既同平時既飯又無咩分別，軟硬適中，唔會因為要整個波出黎而夾硬整到成