慶麵 (已搬遷) 新店位置

約咗男友早咗十分鐘男友叫我入去坐住等，見店裡面只有三幾個客我就入去話兩位，有一個女店員個樣好惡好凶講野無尾音咁話未齊人唔可以入咁我都即刻出去等。男友嚟到入去後又指定要咗喺好逼係攝喺兩個人中間嘅位到，我望一望成個場都係吉嘅，何解一定要逼客咗到咁辛苦呢？之後唔理點野食啦好肚餓，叫咗小籠包，麻醬雞絲冷麵，口水醉雞卷同紅油抄手：小籠包同口水醉雞卷OK嘅，麻醬雞絲冷麵好普通無咩好講，紅油抄手啲皮可能浸得內好淋用匙羹鈸都爛晒我同男友都食咗一隻無再食。總結：太多好食評可能會有期望，所以食完係失望。店員持續不友善態度可能都有啲影響到我，希望佢地可以檢討吓，唔好搞到客人入嚟比錢食野好似入嚟乞咁！