老虎堂黑糖專売 (已結業)

老虎堂都開左好耐，其實都已經飲過好多次，但質素每次都有啲參差。今次第一次試荃灣呢間分店，係飲左咁多次以嚟最好飲嘅！首先個賣相要讚一讚，就算已經大排長龍，但製作虎紋嘅時候一啲都冇馬虎，整得好靚呀。其次就係黑糖鮮奶。黑糖味好香濃，鮮奶味亦都好香好香，兩者混合左之後飲落去真係有幸福嘅感覺，每一啖都好享受。最後就係珍珠。珍珠完全唔會好似未煮熟咁硬。珍珠嘅口感好軟糯，但係分量就有啲少，因為好食到想食多啲。其實都冇話邊一間分店係特別好飲嘅，都要靠下啲運氣，睇下啲店員技術質素點啦。