影片
更多
2022-08-16
576 瀏覽
同六月中既一訪比起黎，明顯進步了，舍利既質感同酸度都係我鍾意既，詳細如下~岩手 石垣貝 蓴菜 水雲•石垣貝唔算好甜，個汁應該係土佐醋，另外又有啲木魚花味咁，係開胃 (都係龍師傅講完先知原來石垣貝係岩手出產，而石垣島係冇石垣貝的LOL 一路都以為係石垣島出產)。青森 五日熟成 左口 •第一件就已經有啲哇一聲，好少食到咁濃味既白身魚，熟成過後又有少少粘口，正。靜岡 金目鯛 •用鹽襯托金目鯛既魚味同油份，係另一種感覺，雖然食落個味感覺冇用醬油咁厚，但更貼近原味三重縣 四日熟成間八 輕輕醬油漬 •熟成後既間八冇咁爽身，再經醬油輕輕漬過，油份同鹽都有一個好好既平衡，正。北寄貝 •雖然成日食，但今次隻貝真係好老身，龍師傅將一隻分四件都唔算細舊，爽甜。冬瓜茶碗蒸 蜆and 雞湯 蝦蛄 •冬瓜+蜆+雞湯係一個好傳統既中式組合咁，但用黎配茶碗蒸又有一個幾特別又好味既化學反應，雖然底下既蝦蛄肉被蒸完之後唔算好甜，但質地唔錯而且蛋入面都食得到有淡淡既蝦肉味，幾驚喜。富山 昆布漬白蝦 蝦油 •用昆布醃漬過既白蝦比平時風味更加濃郁，有蝦既甜味又有昆布既旨味，但我發現今日龍師傅用既蝦油好淺色，同
岩手 石垣貝 蓴菜 水雲
•石垣貝唔算好甜，個汁應該係土佐醋，另外又有啲木魚花味咁，係開胃 (都係龍師傅講完先知原來石垣貝係岩手出產，而石垣島係冇石垣貝的LOL 一路都以為係石垣島出產)。
青森 五日熟成 左口
•第一件就已經有啲哇一聲，好少食到咁濃味既白身魚，熟成過後又有少少粘口，正。
靜岡 金目鯛
•用鹽襯托金目鯛既魚味同油份，係另一種感覺，雖然食落個味感覺冇用醬油咁厚，但更貼近原味
三重縣 四日熟成間八 輕輕醬油漬
•熟成後既間八冇咁爽身，再經醬油輕輕漬過，油份同鹽都有一個好好既平衡，正。
北寄貝
•雖然成日食，但今次隻貝真係好老身，龍師傅將一隻分四件都唔算細舊，爽甜。
冬瓜茶碗蒸 蜆and 雞湯 蝦蛄
•冬瓜+蜆+雞湯係一個好傳統既中式組合咁，但用黎配茶碗蒸又有一個幾特別又好味既化學反應，雖然底下既蝦蛄肉被蒸完之後唔算好甜，但質地唔錯而且蛋入面都食得到有淡淡既蝦肉味，幾驚喜。
富山 昆布漬白蝦 蝦油
•用昆布醃漬過既白蝦比平時風味更加濃郁，有蝦既甜味又有昆布既旨味，但我發現今日龍師傅用既蝦油好淺色，同沙律油咁上下色，之前好似係深橙色的說。
池魚 蔥茸
•唔記得左係邊度既池魚了，但油份同魚既味道都好濃，係食完令人雙眼發光既味道。
醋鯖魚 紫蘇
•唔算好酸，但油份好豐富魚肉亦冇因為醃漬太耐變硬變柴，魚肉既面頭用備長炭燒香左，微暖既魚料同舍利令醋香同紫蘇既味道更加突出，好食。
鱧魚 茄子 唔知咩味噌醬
•上枱既時候超級熱辣辣，個個都比佢個碗呃左，以為可以揭起，粒野就魚有魚味，茄子又有茄子味，但個醬又唔係特別出位，唔知係唔係因為飲左酒味蕾敏感度下降，定係上一件醋鯖太強勁。
青森 大間 石司 中拖羅 x2046
•人生既第一件石司，成日見大神s講石司石司，無知的我重以為係產地黎，但原來石司係鮪魚買手人當中既精銳中之精銳，換言之即係石司會買既貨就可能係當日市場最出色既魚貨。依一件中拖羅有啲推翻左平時既印象，佢有充夠而唔油膩既油份，又有比平時一般赤身更濃郁既肉味，咀嚼既時候感覺到個味道一直釋放出黎，回味無窮。
七日熟成 波士頓 蛇腹
•同石司比較又好似有啲唔公平，心入面覺得冇理由搵鬼妹同日本妹比較，但連續兩件咁上，又難免，蛇腹既油份當然係更加豐富，但就冇左頭先石司果種好深邃既味道，係好食，只係有比較有傷害。
利尻產 鹽水海膽 海鹽
•顆粒分別，鮮甜，值得一讚既係師傅仔落鹽花既份量非常精準，多一分就咸，少一分就唔夠，要讚。
玉子燒
•唔會話勁甜，咸甜都有，都有濃郁既蛋香，但個人就覺得可以做得再濕潤啲，就會更好食了~
龍爪手吞拿魚太卷
•切口好齊整，唔會拖爛哂啲紫菜，有三分二係吞拿魚，各部位都有啲咁，剩返就係乾瓢同青瓜，滿足
任性追加:
鮟康魚肝
•佢唔係一條條好粗壯包錫紙果種，我估係因為佢用慢煮既方法黎處理? 油份，味道依舊出色，下次我都係會繼續追加。
備長炭燒雞翼
•用鹽水浸泡醃漬後再風乾，外皮燒得好香脆，肉入面有淡淡的鹽味和雞肉原本既風味，手勢出眾，果日好似係全場追加人頭雞翼。
沙甸
•充足既油份，有發光魚料既重口味，食完佢再飲埋最後果杯酒，我滿足了。
張貼
