亨通餃子店 (已結業)

我是很喜歡食餃子的人，試過食幾十隻餃子也面不改容，之前經過呢間亨通幾次，見剛新開，但都未有時間幫襯，今次約人未夠鐘，入去整返碗餃子食下先，店內位置不大，得2張枱，加埋可坐5-6人左右，點了椰菜鮮肉水餃($35，之後才知有8隻)，才見在開放式廚房位置之相信為老闆娘將椰菜肉餡及麵粉糰交給另一店員，然後該店員將材料放在店內的一張木枱上，開始搓麵糰做餃子皮，及後將餡料放入餃子皮包好後，再將餃子交回廚房俾老闆娘煮熟。其實眼見碟餃已知不妙，碟內有8隻椰菜鮮肉水餃，齋睇已知好似我一樣咁皮厚，有時皮厚又不代表唔好食，一咬落去，皮過厚又唔好咬口，尤其摺口位置更厚，裏面食到椰菜甜味，當然都食到肉味，但完全無肉汁在內，是一隻完全不合格的餃子，需要加大量醬油及醋才能消滅8隻餃子，其實識我都知我好少會食到剩低餃子皮，仲要食剩5隻餃子皮咁多，如果好食嘅餃子連醬油都點少啲，仲有美X餃子店賣緊$35-$37有10隻餃子，味道超好之餘仲可以雙併。OK臉是因為即叫整包餃子及支持小店，希望繼續加油。