英記油渣麵 (已搬遷) 新店位置

陳金:如果你(曾經)係夜鬼, 又有揸車, 咁英記一定係你印象中嘅食店之一.以前細個呀哥成日車我去食, 今日我帶ADAM去試試,附近大把位泊, 方便!全店只有油渣麵,菜,雞翼,芝士腸選擇(頂多加埋氣水), 仍然可以賣幾十年…香港人, 簡單嘅時候可以好簡單…油渣麵:有大有細, 是乎你胃口. 麵底(粗身上海麵)係老闆娘手打, 很滑很有質感, 細心留意你會見到有粗幼不均等嘅麵條…人手做嘅「TOUCH」, 難以形容的美味,LIKE!油渣其實即係炸到出晒油嘅腩肉…好多人話肥其實已經冇晒油係裡面…我未係其他地方食過好得過英記的油渣…又香,有點脆,又唔會有「千年油」嘅味…如果你係一聽到係肥豬肉炸成就「E!!!!!!」咁冇嘢好講…食過就知道好食…上面灑上蔥花,冬菜!! 無錯, 最緊要係冬菜!!爽脆香,又唔會淨係得個咸字嘅冬菜絕對令成碗麵升華….雞翼和菜:非此處出名食物, 不特別評論了.希望英記一直做落去啦….好有「香港FEEL」!!!!