中村藤吉 (已結業)

久仰中村藤吉嘅大名，作為抹茶控嘅我地，當然要去潮聖一番!是日星期日，有位好好嘅朋友11點已經去到攞飛，等我地三個可以慢慢先到，趁有排都未到我地就閒逛，耐唔耐嘟下個QR code睇下去到幾多號。不過有一陣子無嘟，一嘟就發現已經係31號，即刻搭𨋢上去，好彩未過! 呢度有個好貼心嘅服務就係可以將把遮寄存喺門口，佢會有個牌仔比你，咁就唔會攞錯遮啦!室內環境開揚，好舒服! 我地被安排坐窗邊位，唔洗同其他人搭枱  午餐時間緊係要食d鹹野啦...叫左單點嘅腐皮抹茶烏冬、抹茶蕎麥麵、同埋抹茶烏冬定食。老實講，烏冬同蕎麥麵兩款都好彈牙，不過抹茶味就無喇，反而配菜 - 腐皮同埋定食裡面嘅紅豆加抹茶啫喱仲好過d麵 到甜品喇...想一次過試哂咁多款式緊係要叫京之精選啦! 最好味嘅係抹茶雪糕...因為已經係成餐最濃抹茶味嘅一樣野! 紅豆加小丸子都唔錯，海綿蛋糕......食剩左!正所謂期望越大，失望越大，嚟中村藤吉當然要食抹茶嘅野，但如果只有幾款食物係有抹茶味嘅話，咁仲要嚟玩排隊嗎？