Little Break Coffee & Kitchen (已結業)

仲記得好幾年前，有一次經過上還行過見到有間西式甜品店，見出面睇落都幾吸引，抱著希望入左去食，結困失望而回。幾年之後，跟同一樣嘅人，走到同一地方，卻發現已換上一間新餐廳，新的面孔。走進一看，餐廳裝修簡約，環境光猛，跟餐廳名都幾配合，令人真係有feel 到有taking a break嘅感覺。Menu除有set之外，當然有得散叫同埋有甜品，餐飲Menu以營養標籤嘅style 設計，簡單得黎都幾見心思。熱香餅漢堡細個次次去M記都會食熱香餅，因為我好鐘意熱香餅鬆軟既口感，見到叫熱香餅漢堡個名咁得意就點黎試下。底面兩層係鬆軟既熱香餅，中間有鹹香既煙燻火腿，頂層有太陽蛋，刺穿太陽蛋，蛋汁流落去，充滿蛋味。加埋楓糖漿，又鹹又甜，感覺特別。魔鬼心太軟，朱古力脆脆，雪糕外脆內軟既心太軟，切開後朱古力漿慢慢流出黎，朱古力味濃郁，再加上旁邊既雪糕同朱古力脆脆，一冷一熱，口感豐富。令次抱著希望入左去食，好彩有驚喜而回。當中個熱香餅真係超讚﹗一個好好嘅改良，充滿新意。呢個break似乎都幾充實。