影片
更多
2022-12-27
1762 瀏覽
趁今日節慶，有得放早，就趁機同朋友過嚟西環嘆個下午茶，何解咁有雅興？究其原因，都喺因為晌IG睇到呢間餐廳「SEOI」嘅貼文，裝修得一室希臘小島風情，無得出門，嚟過吓旅遊癮都好嘛。補充一點，雖然地址標示為「水街」，其實，實際位處「水街」中一條巷仔「三多里」，極之唔起眼，就算睇住街號都好易過門不入。幸好，就晌巷仔口口棟咗個牌仔。 由門口已經睇得見，無論牆壁、枱櫈，以及小擺設、餐牌，一室都喺藍與白相襯，加上店家所賣嘅，喺希臘菜，就更加有希臘小島那份風情。不過，小店地方唔大，今次喺閒日嚟，故此更加寫意。 除咗門口，店內亦有大大個招牌「SEOI」，老實講，睇見個字真喺連發音都未 搞得掂，不過，睇過其他人嘅食評，嚟之前已知喺「水」嘅粵語拼音，所以，可以向朋友拋吓書包，哈哈！ 講講食物有咩選擇，唔算多，但都夠精，包括：希臘乳酪碗、希臘小食、沙律、比得包、意大利麵……等等，而飲品方面，就有多種意式咖啡、特色拿鐵、梳打、沙冰及花茶。 如大多數咖啡小店，有啲嘢就要自助喇，好似餐具、調味料、清水，都晌近門口位可以自由取用，故此，店內亦無加一服務費。乳酪碗 $70朋友好講健康，所以，選擇要一份乳酪碗，以乳酪（
補充一點，雖然地址標示為「水街」，其實，實際位處「水街」中一條巷仔「三多里」，極之唔起眼，就算睇住街號都好易過門不入。幸好，就晌巷仔口口棟咗個牌仔。
由門口已經睇得見，無論牆壁、枱櫈，以及小擺設、餐牌，一室都喺藍與白相襯，加上店家所賣嘅，喺希臘菜，就更加有希臘小島那份風情。不過，小店地方唔大，今次喺閒日嚟，故此更加寫意。
除咗門口，店內亦有大大個招牌「SEOI」，老實講，睇見個字真喺連發音都未 搞得掂，不過，睇過其他人嘅食評，嚟之前已知喺「水」嘅粵語拼音，所以，可以向朋友拋吓書包，哈哈！
講講食物有咩選擇，唔算多，但都夠精，包括：希臘乳酪碗、希臘小食、沙律、比得包、意大利麵……等等，而飲品方面，就有多種意式咖啡、特色拿鐵、梳打、沙冰及花茶。
如大多數咖啡小店，有啲嘢就要自助喇，好似餐具、調味料、清水，都晌近門口位可以自由取用，故此，店內亦無加一服務費。
乳酪碗 $70朋友好講健康，所以，選擇要一份乳酪碗，以乳酪（共3款口味）加上燕麥粒粒（可揀原味或朱古力味），再自選兩款配料。經研究一輪，最終拍板要咗Purple，即喺馬基莓漿果（Maqui Berry），上網睇過佢喺一款超級水果，抗氧化劑含量排名第一，再配原味燕麥粒粒、士多啤梨及藍莓，賣相非常好睇。除咗啲生日好鮮甜之外，啲燕麥好有咬口，而乳酪酸酸甜甜，好開胃，莓味清新，睇到乳酪中嘅點點，就知用料十足，唔喺化學成份溝出嚟。
乳酪碗
$70
12 瀏覽
0 讚好
0 留言
美式咖啡 $35 友人唔止食嘢講健康，仲對咖啡好有研究，此外，佢亦較鍾意飲「齋啡」，所以，揀杯熱嘅美式咖啡。雖然，未刻意問店家用上咩豆，但友人都讚杯咖啡好飲，咖啡本身嘅香氣好自然，無苦澀感，帶微酸，口感卻幾清爽。
比得包 $98 小弟就嚟一份飽肚啲嘅比得包，有配雞胸、三文魚或素食嘅沙律菜，我就偏向雞肉，一來喺用上慢煮雞胸，二來配上青瓜乳酪醬，啱我口味。雖然只喺簡單嘅比得包，都花咗啲心思，碟旁加咗啲鷹咀豆蓉，好香滑，而比得包煙韌有口感，裡面塞滿餡料，有好多雞肉，口感非常嫩滑，個醬汁清爽酸活，加上襯咗啲蕃茄、沙律菜，確喺幾好食。
比得包
$98
10 瀏覽
0 讚好
0 留言
拿鐵 $38講到意式咖啡，我都喺鍾情奶泡系，而拿鐵就最得我歡心。先講拉花，雖未至完美，但都有板有眼，線紋都算細緻，只喺未夠對稱。無攪過之下，入口口感夠均勻，細滑綿柔，醇厚得嚟有陣陣果仁香，沖泡嘅手勢有一手。
偶爾跟朋友嘆個高檔下午茶，確喺賞心樂事，加上人少，個環境又幾有特別，寫意無限。
張貼
