影片
更多
2020-01-09
57 瀏覽
海底撈黎左香港一段時間，之前係深圳試過一次，今次行完街係附近就同男友上左去食！我地18:00到，唔多人所以唔洗等！但之後18:30開始已經大排長龍！所以隔離有好多野飲、小食同玩具比大家等都唔怕悶～ 如果電話無電，出面都有部「共享充電寶」比大家拎入去邊食邊差電！ 一坐低，專人服侍講解，幫你開小食、帶手袖，遞熱毛巾、橡筋、圍裙，free wifi，呢一系列皇帝式享受當然唔少得～🤴🏻👸🏻不同既係，唔再用衫袋蓋住件褸防污，而係多左2個置物袋幫我地包實D褸同袋，唔會索哂D邊爐味☺️👍🏻食完聞過真係防到味架！無呃人！另外仲送左碗烏雞燉湯我地飲，飲落勁足料勁補無味精！ 點左蕃茄、大骨湯2格湯底同一堆火煱料（請見圖🤣）全部揀半份都夠食！另外叫左任選調料($18/位)同任選飲料($15/位)。有金桔檸檬、菊花茶、豆漿etc.揀，茶水免費。調料就出去食物吧枱調較，唸唔到都有清晰既推薦配搭圖比你刺激靈感！吧枱下面有提供紙巾，污糟左都有得抹手！吧枱上既涼菜小食、湯、糖水同生果都係免費既（只有調料付費）覺得湯底夠濃唔要調料都可以架！ 湯底一上，服務員就提議我地開餐前先整碗牛肉粒+葱+芫茜+蕃茄湯（佢會問你有邊D材
一坐低，專人服侍講解，幫你開小食、帶手袖，遞熱毛巾、橡筋、圍裙，free wifi，呢一系列皇帝式享受當然唔少得～🤴🏻👸🏻不同既係，唔再用衫袋蓋住件褸防污，而係多左2個置物袋幫我地包實D褸同袋，唔會索哂D邊爐味☺️👍🏻食完聞過真係防到味架！無呃人！另外仲送左碗烏雞燉湯我地飲，飲落勁足料勁補無味精！
點左蕃茄、大骨湯2格湯底同一堆火煱料（請見圖🤣）全部揀半份都夠食！另外叫左任選調料($18/位)同任選飲料($15/位)。有金桔檸檬、菊花茶、豆漿etc.揀，茶水免費。調料就出去食物吧枱調較，唸唔到都有清晰既推薦配搭圖比你刺激靈感！吧枱下面有提供紙巾，污糟左都有得抹手！吧枱上既涼菜小食、湯、糖水同生果都係免費既（只有調料付費）覺得湯底夠濃唔要調料都可以架！
湯底一上，服務員就提議我地開餐前先整碗牛肉粒+葱+芫茜+蕃茄湯（佢會問你有邊D材料唔要）本身湯底已經好濃好正，加埋D料真係無得彈！🥰然後仲比左3碗特制調料比我地配蝦滑同豆腐食，豆腐個醬調得好特別～好食到其他食材都要點呢隻醬食～大家食之前可以問下服務員有無食材調料特別介紹，話唔定開發新味道～必食既撈面就唔洗多講啦～花式拉面相當精彩！師傅話學左3個月先拋到咁高難度架！真係台上一分鐘，台下十年功！
食到中途想去洗手間，經過望到有間兒童遊戲室，入面有玩具玩電視睇不只，仲有專人係入面幫手看管小朋友！真係超貼心又安全既服務！入到洗手間嚇親，竟然有勁多橡筋、濕紙巾、牙籤、牙線棒同M巾😱仲有大大枝化妝補水同潤手霜！潤手霜好香好潤～（但補水果枝無用過啦）隔離有比兒童專用既洗手台同垃圾桶，廁格入面有廁板消毒劑，仲長期放住卷未拆開既廁紙做後備，如果真係換唔切都唔怕要等人救！不過D員工咁貼心，相信應該用唔著架啦☺️
本身已經做左指甲既小妹好可惜享受唔到免費美甲服務😭如果大家想整下，服務員會幫你拎籌，到你時美甲姐姐就會黎帶你去架啦～有接近250款色比你揀，安全不傷甲，小朋友都玩得架！美甲時仲可以用肩膀按摩機！玩唔到都堅持觀摩下☺️
埋單時，送左兩粒芒果雪糕糯米糍、幾粒薄荷糖同牙籤比我地！本身有雪糕已經心滿意足，點知佢突然送左袋野比我地，入面有好多包小食、薄荷糖、濕紙巾同一張優惠券！！服務員話因為見到我開餐前好鐘意D小食所以送一堆比我食！點解佢細心過我隔離果位咁多😭
比較深圳同香港海底撈，其實兩間服務都好好，但小妹同男友最欣賞呢到係服務員體貼細心得黎又唔會有壓迫感同令你尷尬，比到足夠空間客人，但又照顧到所有需要～而且全店大部份都係卡位（2人卡/4人卡/多人座），因為我地早到所以有得坐4人卡☺️每枱都有私人空間，所以香港分店咁識相既服務真係對我地2位容易尷尬癌既客人係好需要！😤👍🏻下次希望黎試下午市套餐同美甲服務啦！
撈面
14 瀏覽
0 讚好
0 留言
張貼
