鉄人旨花

營業中

休息中

已經留意左呢一間鐵板燒好耐，今次留意到佢哋做緊優惠，所以同朋友一齊到訪，享用左南非鮑魚鐵板燒二人前 ($2680)🫶🏻 席前料理嘅鐵板燒除咗享受高質食材，自己更鍾意望住師傅一路煮嘅火焰效果，聽住鐵板燒嘅滋滋聲，加埋煮食嘅香氣，成個用餐體驗好完整😛手作前菜、沙律都幾精緻，前菜嘅鮑魚都已經頗有水準，食落都爽口彈牙🥗 時令刺身有帆立貝、牡丹蝦同昆布漬真鯛，三款都幾新鮮，自己最鍾意係帆立貝夠厚切😛 原來而家仲做緊鮑魚餐送龍蝦優惠，揀咗龍蝦刺身，一上枱個時隻龍蝦仲識郁，食落幾爽口🦞當日魚料理係煎南極白鱈魚佐以洋蔥湯，好欣賞師傅咁用心擺盤，白鱈魚煎到表面金黃色，魚皮煎得好香脆，魚肉都唔會煎得過老🫶🏻主菜嘅南非鮑魚青海苔忌廉汁都好有水準，新鮮上枱嘅鮑魚成隻拳頭咁大仲勁生猛😍 食落去好爽口彈牙，加埋青海苔忌廉汁都幾得意🤍第二道日本產A5黑毛和牛好驚豔😳和牛好軟稔，煎香後脂香濃厚，師傅掌握火喉都掌握得幾好，啱啱好做到五成熟，自己覺得配山葵或者蒜片都幾夾🩷除咗和牛，日式鐵板炒飯都幾有鑊氣，入面仲有和牛，加埋蒜頭味好香🤤 東星班魚片鯛白湯飲落都好鮮甜，食完飯飲碗湯好滿足🥰 最後仲有甜品或水果，朋友嗌嘅靜岡蜜