DHYC Dimsum Restaurant

營業中

休息中

喺將軍澳附近有得食點心嘅餐廳唔多，呢間唔單止可以望到將軍澳海邊嘅景色，仲要係Pet friendly，食物質素又高，絕對值得試吓。焗叉燒包叉燒包唔係傳統蒸過一款，而係表面有菠蘿包皮，所以食落外邊酥脆，入邊包住傳統嘅蜜汁叉燒內餡，叉燒嘅份量好多，夠晒濃味！韭菜金錢蟹盒韭菜盒入邊嘅餡料超多，韭菜新鮮爽甜，韭菜同豬肉嘅比例啱啱好，外皮炸得好脆，但係唔會好油膩。蒜蓉粉絲蒸鮮魷魷魚好新鮮，爽口彈牙，除咗魷魚之外蒜蓉粉絲都係呢道點心嘅主角，非常入味。鵪鶉蛋松露燒賣黑松露燒賣可能唔算太特別，但係入邊包住糖心嘅鵪鶉蛋就真係好少見，淡淡嘅黑松露香味唔會搶走燒賣本身嘅味道，恰到好處。滑蛋炒蝦球蝦球嘅數量好多，而且隻隻新鮮又大隻，啖啖嘅蝦肉配埋滑蛋，味道真係好出眾，食到舔舔脷！豉油王炒麵估唔到呢度嘅豉油王炒麵都好有驚喜，炒麵夠晒乾身，食落有啲似乾燒伊麵嘅口感，而且調味啱啱好，再加埋餐廳提供嘅辣椒油，簡直有畫龍點睛嘅效果！