小王牛肉麵

營業中

休息中

同未夠兩歲既bb出街食飯，搵餐廳真係要d心思，有咩岩佢食又岩佢坐呢。見到呢間有sofa, 又有肉燥飯，就你啦。牛腩麵牛腩望落好靚，牛味香濃有咬口，最正係有大量既酸菜，酸酸甜甜同個湯好夾，麵形寬身煙韌。鹵水蛋肉燥飯呢個專登叫俾bb食，有大量肉燥，唔使剪碎d肉俾bb，慳左好多功夫，飯粒鮮明， 煙韌，蛋鹵得入味。皮蛋豆腐勁多肉鬆係面，估唔到皮蛋個黃都好香。鹽酥雞雞份量好多，即炸，但唔夠酥，再香口d更好。魷魚羹呢個唔記得影相，入面有冬菇，魷魚，同 薑絲，足料，幾好味。