名人私房菜 (已搬遷) 新店位置

帶爸媽去食飯，佢地都係比較實際，不太鐘意花巧，所以決定帶佢地食私房菜。有足料大白菜豬肺湯，老火湯夠晒甜，主婦媽媽都話幾滿意。有個冷盤手撕雞，賣相好吸引，特別之處係加左芒果，酸酸甜甜，夏天食佢岩晒，已要求爸媽番屋企去試整。蒸扇貝，粉絲吸咗扇貝嘅鮮味，正。跟住有蒸海星班，煮得岩岩好，魚肉嫩滑，重有好多蔥，好香，魚汁撈飯一流。之後上既係避風塘炒蟹，適量辣椒，蒜蓉炸得夠乾身，蟹夠晒大隻又多肉，海鮮最重要係新鮮，呢隻蟹肉都幾甜，唔錯。海蝦用豉油汁煮，好惹味，但爸媽認為可以再重味啲，我個人覺得已經好夠味。魚形芒果布甸，唔太甜，幾好，唔食花奶既要預早講定，爸爸今次有得睇冇得食。一家人食飽飽後，大家都覺得可以再encore。