酒肉·朋友 (已結業)

無論真心朋友定酒肉朋友，自從同咗A姐一齊之後，已經無時間見佢哋。難得今日A姐放我自由，我要同我班friend去happy吓先得！今日收工後就同班好耐無見嘅知心好友去到鰂魚涌嘅酒肉·朋友(Brothers Bar & Grill)，一於邊食串燒邊傾計，好寫意呀！銀鱈魚串燒燒到香噴噴嘅銀鱈魚，入口即熔，油脂比例啱啱好，配上特製燒汁，好好味，好滿足呀。明太子雞翼串燒去咗骨嘅雞翼，雞皮燒到脆卜卜，大大啖咬落去，就係好豐富嘅明太子，勁多汁香口滑嫩。雞腎串燒用牛油燒嘅雞腎，食落起乾身，仲有香濃嘅牛油香。鹽燒黑豚臉青串燒肥瘦適中，表面微焦，入口少少油，但真係好好味呀！薄切牛舌串燒雖然叫薄切牛舌，但都有一定厚度，配上黑胡椒調味，食落去有咬口又唔靭，牛肉香味十足。鹽燒牛肉串燒比牛舌更厚更有口感，燒得啱啱口，帶少許鹹香，而且好軟腍。蘆筍豚肉卷串燒蘆筍配搭豚肉，好新鮮呀！蘆筍鮮嫩無渣，豚肉脂肪比較適中，好match呀。鹽燒海蝦串燒虎蝦賣晒，惟有食海蝦，大大隻仲有少少蝦膏，蝦肉彈牙。汁燒墨魚咀串燒第一次食墨魚咀，墨魚味香濃，好煙韌又有口感。秋葵串燒食咗咁多肉，最後食番個健康之選嘅秋葵啦。（記住Like同Sha