媽咪雞蛋仔 (已搬遷) 新店位置

細個同媽咪行街，最開心就係有得買雞蛋仔食，難得呢啲傳統小食喺香港冇俾人遺忘，仲可以開到成行成市，等我哋大個咗之後仍然可以回味細個時食到嘅味道。呢間媽咪雞蛋仔，選擇認真多，與時並進，除咗原味、仲有抹茶、朱古力、紫薯、白芝麻等等等等⋯最令我驚訝嘅係連墨魚汁味道都有！😱要尋找以前媽咪買比我嘅味道，就梗係揀原味啦！同以前食落嘅有少少唔同，而家雞蛋仔嘅皮更加脆卜卜，但依然keep到蛋香味，一邊行街一邊逐粒逐粒手搣出嚟食，好有兒時嘅感覺❣️下次等我買其他味道試吓先！