Open Kitchen (已結業)

今日係同男朋友仔慶祝紀念日，所以帶埋我哋嘅老虎 BB 嚟食晚飯！帶著兩隻半個人咁大嘅公仔入嚟食飯真係好令全場矚目，但有佢哋陪食飯感覺又幾特別嘅！ 我點咗平時食開嘅燒春雞，留意番佢仲有配烤薯仔架，真係每次都係咁好食嘅，所以點呢個係無錯嘅，只係切開嚟食嘅過程比較麻煩。男朋友仔就食咗個 pork chop with apple sauce，下面有烤蔬菜配襯，係唔錯嘅。豬扒 OK juicy 嘅，個醬汁甜甜地，好味道又幾開胃，算係叫做特別啲。 我自己本人幾鍾意呢間餐廳架，環境舒服同埋食物一般都保持到水準，唯一嘅 comment 應該係張檯太細放唔晒啲食物丫。有冇人都有同感呢？定係我太大食呀？