老點點心竹筒飯 (已結業)

外國朋友嚟到香港，點都要帶佢食返餐點心。今次特地揀咗老點，因為之前食過水準不錯，二來呢度嘅點心全部都比較有特色，帶點fusion風味，得呢度先食到。入到去，發現原來都有幾枱外國人！而老店員雖然唔識英文，但都服務周到殷勤，值得一讚！碧綠帶子腸($28)腸粉好滑又薄，入面包住柔軟嘅帶子同爽脆嘅菜心，口感豐富。鹹香黑魚子燒賣($19)燒賣呢d經典點心，循例都要比外國朋友試試嘅。呢度嘅燒賣肉質紮實，加上黑魚子作點綴，令到燒賣更有特色。懷舊薑汁糕($18)我一向喜歡食薑汁糕，見到當然要點一客，好彩朋友都鍾意薑味嘅甜品。呢度嘅出品非常唔錯，薑味好濃，感覺好驅寒。蟲草花雞竹筒飯($30)飯蒸到太淋，而且雖然加咗蟲草同雞肉，但無咩味道，比較失色。開胃番茄鮮竹卷($22)呢度嘅鮮竹卷一樣搞搞新意思，有別於一般浸在高湯入面，呢度嘅鮮竹卷浸係新鮮番茄湯度，番茄湯味道天然濃郁，酸酸甜甜，頗為開胃，食起來感覺無一般食到嘅咁油膩。戚風班蘭馬拉糕($22)班蘭馬拉糕又係呢度自創嘅點心，味道好有驚喜，馬拉糕蒸得軟熟輕盈，唔會太淋，食落有淡淡嘅班蘭香，唔錯！蜜味叉燒包叉燒包不過不失，但餡料好足，包亦軟熟。兩個人點咗太多