樂園魚旦專家 (新都城中心三期)

營業中

休息中

晌我細個的記憶裡面，鍾意食牛雜的媽咪會經常帶我同細妹去觀塘裕民坊食牛雜粉，媽咪最鍾意叫腸肚河加支支裝可樂，分啲比我同細妹食，印象中那條牛雜巷有幾間店舖，店員叔叔一見有人經過就會問我地有位未呀？幾多位呀？那些叫聲已深深洛印在我的腦海當中，好可惜幾年前裕民坊要陸續遷拆，那條牛雜巷便消失了。 隨後發現賣牛雜粉的舖頭已經買少見少，好多好食的牛雜店也相繼結業。最近竟然比我晌商場裡面有賣牛雜粉的舖頭，而且價錢也不算太貴，我咁乖女緊係約埋媽咪回味當年情懷啦！ 媽咪點咗崩沙牛腩魚片粗麵加檸檬可樂，崩沙牛腩豐富膠質，爽軟不硬，口感豐富；魚片好有魚肉味，媽咪表示滿意！見咁耐無食牛雜粉，我叫咗碗好豐富的牛三寶墨丸河粉加檸檬可樂，牛三寶是牛腩，牛肚和牛根，三款牛的鹵水味都好入味，牛腩頗有牛香味，肉質也不算硬，牛肚爽脆有咬口，牛根滑嘟嘟，膠原質感重重的，好味！