樂園魚旦專家 (新都城中心三期)

營業中

休息中

成個將軍澳都有嘅樂園，基本上平時諗唔到食咩就會去買碗外賣，唔知幾時寶琳開咗呢間坐得咁舒服嘅分店😮今日經過就入嚟順便食個晚餐✨四寶丸米粉 $52包括咗招牌魚蛋、魚片頭、爽滑魚餃同埋新鮮肉丸👍🏻配料都係自家製，同大型連鎖嗰啲店鋪相比口感好唔一樣，呢度嘅魚蛋粉都算係我由細食到大，佢嘅魚蛋同埋魚片真係好彈牙而且有味道！但今日想食多啲料豐富啲，就食四寶丸🤣✨牛三寶河 $64牛三寶河嘅份量真心好足，有牛腩、牛筋同埋牛肚😋✨同埋大部份都炆得好腍，尤其係牛筋同埋牛肚！加上充滿腩汁味，一咬落去淡淡肉汁又好鮮嫩，呢個價錢好抵食，抵佢食咗咁多年都仲有咁多人食！另外仲有自家製辣醬✨套餐加配飲品🥤飲品方面，晚市要加配，價錢正常亦都都有唔少嘅特飲選擇

今日見中醫，足足等了嗰鐘，餓到肚都扁，決定叫男朋友陪我在附近食飯。男朋友簡簡單單揀咗間粉麵店，環境光猛，乾淨企理，地方寬敞，內裏中式設計，都幾優雅。主打粉麵，亦有幾款飯類、酥炸小食、飲品和一些火鍋配料。我們叫咗兩碗雙拼麵、一碟油菜和兩杯飲品。的確上得快，轉頭就上枱。我要牛筋墨丸雙拼河加紫菜 ($41+$10+$8)，河粉份量多，滑嘟嘟，連一羹腩大啖吃最正！紫菜又滑又香，完全無沙；墨丸非常彈牙，仲食到大大粒嘅墨魚，鮮香！牛筋腍滑，好有膠質，味道香濃，正!　男朋友要牛腩併水餃河（$51 +$10）。鳳城水餃唔算大大隻，但外皮薄滑，包住蝦肉、木耳絲、鮮肉碎，爽口鮮香。牛腩有咬口，唔太肥，有牛香。支裝豆漿（+$8）好抵飲，呢嗰品牌都幾有豆香。熱檸蜜（+$11）內有三片檸檬，酸咪咪加了甜美的蜜糖，滋潤解膩。

想快靚正食個港式麵就去咗呢間樂園 呢間餐廳由朝到晚全日同一個餐單 朝早就送嘢飲平時都人頭湧湧今日食咗個四寶丸河加紫菜粉面嘅湯底幾清澈 熱辣辣飲落口舒服四寶丸包括魚皮餃、魚蛋、墨魚丸、魚頭，所以成碗都係白色我加咗紫菜，令到呢碗粉麵多咗重口感，份量都幾多牛腩雙拼韭菜餃撈粗嗌咗撈粗 份量大好多撈粗係粗麵+蠔油+清湯分開上仲有幾條菜牛腩肥瘦適中，啱啱好韭菜餃，幾好味，大大粒叫埋豆漿同埋凍檸蜜呢度仲有其他小食魚皮啊，或者其他炸嘢多啲人可以一齊食

今日去左將軍澳新都城中心，正是晚餐時間，竟然俾我見有樂園魚旦專家，依間聽講平靚正就好食，二話不說就入去食啦，地方好乾淨，裝修都好明亮企理。Menu上有好多選擇，有丸牛餃等粉面，仲有飯，小食菜等。我就食左個四寶丸揀河粉，朋友就牛雜河粉。唔洗等一陣就即刻熱辣辣大大碗送上黎啦，四寶有豬肉丸，墨丸，白魚丸，魚皮餃，魚片頭，粒粒大粒又彈牙好食，湯底清甜冇味精，而且河粉好細嫩柔滑，好正。朋友嘅牛雜河粉都好正，有牛肺，牛腸，牛肚等等，食落冇牛異味，湯底牛腩湯正，枱面仲有仲有醋同埋辣汁，可以加落去更加惹味，我覺得份量岩岩好，都可以加大，一碗最平3十幾元係大商場食到咁好食晚餐真係超值。

今日黎到寶琳新都城，想食碗牛腩麵😋呢間舖就喺新都城三期接駁著港鐵入口，一入黎就見到，好方便。星期一下午5pm，都要等幾分鐘先搵到位坐，好full👍🏻餐牌簡單易明，有招牌魚蛋、墨丸、片頭、特別嘅鮮蝦韮菜餃、扎肉、魚餃；鍾意食牛嘅話有牛腩、肥牛、牛雜、牛肚、牛筋可以揀。小食選擇也很多，有蝦餅、墨魚卷、魚皮等等。如果唔想食粉麵，亦可選飯，有咖哩飯🍛我地叫左一碗五香牛腩米線、一碗秘製牛雜幼麵、一杯凍檸蜜、一杯凍檸賓。牛雜麵有牛肚、牛腸、牛肺、牛膀，好有肉香、有牛嘅鮮味🤤，值得一試👍🏻牛腩入口即溶，肥瘦好均衡，米線亦有咬口，湯底鮮甜！👍🏻檸蜜好飲，唔會死甜；檸賓依家好少見到餐廳有整了，有興趣嘅注意啦食材亦可零售購買，下次買番屋企打邊爐試吓先！😋

今日下午到新都城做野， 見完個客人已經三點幾，於是諗住搵個下午茶食， 剛好發現有間牛雜店有我的最愛牛腩河， 而且圖片望落都ok, 於是又要試一下. 都係照舊叫咗牛腩河配凍檸茶, 下午茶套餐盛惠$45， 呢個價錢會呢一個份量，真係都算幾平下， 牛腩同河粉份量都夠， 牛腩夠林，又唔會黐牙， 識落一浸浸牛腩和香料的味道， 再加埋個湯底又夠味道， 真係唔錯唔錯. 杯凍檸茶就正常， 沒有什麼可以發表， 今時今日咁嘅價錢有咁嘅質素都冇乜挑剔了， 我喺尖嘴食一個餐$80都未有咁嘅質素

用餐時間 （11:53am lunch）follow@wojengyea/@wo!正嘢 for more food info🐒 支持我哋發掘更多美食 😋飲啖熱湯先🥣，第一感覺係佢個湯清清哋味道，比起其他粉麵舖，個湯底唔算好多MSG味精。（fuiyoh Uncle Roger）上次早餐食魚蛋河🐟，覺得好驚喜，而且有嘢飲送（11am前早餐時段）。今次晏晝試吓個炸魚片河，魚片炸得金黃色，外圍條邊邊微微脆，魚片好彈牙好滑，夠味但唔會太重味精。因為好多時魚蛋舖為咗噼浸魚腥味，會落重咗鹽🧂🧂同胡椒粉，搞到成件事錯晒。上次嗌走蔥，今次唔記得咗，反而仲正，佢唔係好Hea咁得蔥，仲有芫荽粒🌿，炸蒜🧄、冬菜碎碎，「怕芫荽嘅人要留意！🚫」我個人覺得好正。辣椒油好香，落少少成件事提鮮，我算食得辣但落少少都覺得超級辣🌶️🌶️🌶️，超過癮。見佢加10零蚊可以配小食（酥炸韭菜餃、墨魚丸🦑、炸蝦餅🦐）樣樣都好吸引想試，不過下次搵埋朋友嚟先試。.茶水☕過咗11am所以冇跟餐，不過飲咗杯咖啡都瞓唔醒，決定叫多杯熱奶茶，茶香杯茶夠熱夠滑，本身對粉面舖嘅茶水都冇咩信心，呢間例外🥰。.火鍋生料 🥘🥘 香港人最鍾意打邊邊，見佢做會員買

今晚唔想煮飯一個人既晚餐最好就係揀食魚旦粉麵簡單方便好味平時路過呢間樂園好多人幫襯同埋等外賣今晚就試吓佢牛筋河粉 $41好足料 牛筋有成5-6舊 仲要舊舊都大大舊😙而河粉食落去好滑好滑個牛腩汁湯底都好惹味餐廳有提供醋同辣椒油唔食得辣嘅我倒左少量辣椒油試下鍾意食辣既朋友一定覺得好正😊熱杏仁霜 （加$8）餐廳用好傳統香港茶餐廳用既杯裝杏仁霜令到杯杏仁霜特別有味道呢杯杏仁霜不太甜另外餐廳除咗各式粉麵選擇還有咖喱飯同其他飯可以選擇如果打邊爐想加火煱料呢度都有提供各種丸類、餃類餐廳標名食物係香港製造☺️👍整體來說餐廳坐位闊落🤗上菜速度快職員服務態度好同埋快👍唔錯唔錯👍遲啲凍d會試下係度買下啲火煱料先😎

樂園魚旦專家 📍將軍澳貿業路8號新都城中心三期2樓210號舖收工唔想煮😃去左樂園買粉麵外賣主要快靚正💯佢地丸類同餃類係自家製🌟質素有保證👍🏻我叫左兩碗粉麵同飲品～牛三寶麵有齊牛腩、牛肚、牛筋🤭份量好足👍🏻炆到好入味啊😁配上濃香腩汁好味鮮蝦雲吞🦐拼墨魚丸麵鮮蝦雲吞好好味😊啖啖肉墨魚丸入口彈牙😎值得一提佢既辣椒油🌶️夠晒惹味飲品就叫左凍檸茶同可樂都係加$8輕輕鬆鬆又一餐🤪😎

每個月都一定會幫襯一至兩次，因為佢嘅河粉實在太好味，材料洗得乾淨又新鮮。係我喺將軍澳區最鍾意食嘅麵店！1. 招牌魚蛋河 $38- 雖然「樂園」嘅牛筋河我都好鍾意食（佢啲牛筋好軟稔，好有骨膠原嘅感覺！），但係十次有八次我都係會叫返「魚蛋河」，因為佢嘅魚蛋同魚片係超！彈！牙！食過一次就會返尋味，唔怪得知係招牌，真心食極都唔厭😍😍2. 金錢牛肚河 $41- 我朋友每次嚟到「樂園」都點牛肚河，食過好多間麵店，佢都係覺得樂園嘅牛肚最好食，連我一個唔太食牛肚嘅人都覺得係唔錯！至少唔會有「酥味」，而且好爽口。3. 腐乳通菜 $25- 通常嚟到粉麵店都會想加碟油菜。「樂園」嘅菜好新鮮，食通菜會食到索索聲🤣4. 炸墨魚卷$36- 我唔肯定「樂園」其他分店有冇炸墨魚卷，或者係咪一樣好味，但係新都城呢間味道絕對有保證！我嚟咁多次食物都保持到水準。我個人認為依個炸墨魚卷係必！吃！外層炸得好香脆，好好食，第二度好少食到。如果你哋嚟食「樂園」，記得要叫炸墨魚卷，一定唔會失望！總括嚟講，「樂園」係我喺將軍澳區最鍾意食嘅粉麵店，你試過就會知🥹

落單又落錯，樓面送餐送去隔離枱（隔離枱無人），魚蛋魚片鞋颯颯，張枱又污糟都無人清理，講完都唔清潔，由佢！最後生個樓面只係識得企定定傾計，請咁多樓面，真正做嘢得2，3個

Today, I go to Po Lam shopping. Chill Friday! And I do not want to cook, therefore I buy a take away dinner. Haha, lazy me. There is a famous fish ball restaurant that open many branches in Hong Kong. I order Fish Ball Ho Fan. The fish ball is very tasty. The texture is good. I believe it is made with lots of fish. Next time, I need to eat in the restaurant. Hot fish ball ho fan must be tastier. 

今日好忙，諗住想食一啲又快又平嘅嘢。結果揀咗呢間樂園。（五香牛腩河）牛腩好重牛肉同埋腩汁味，不過今次俾嘅部位好肥，食到最後食唔落啦！（辣油）啲辣油⋯⋯對於我呢種唔係好食得辣來講係非常！非常！非常之辣！！！（不過食到最後發現好香🤓😍）

💛好味指數:4.5/5💛💜回頭指數:4.5/5💜同屋企人係附近搵野食，行過見到有魚蛋河食，見平平地入去試下🍜✅鮮蝦雲吞$36有四粒鮮蝦雲吞，味道鮮甜又大粒🦐選咗河粉配清湯，食得辣真係要加檯面嘅辣椒醬，好香好好味😋推薦大家試下✅金牌牛三寶$62牛三寶係牛腩、金錢肚、牛筋，雖然呢款貴小小，但係超足料🐂牛腩肥瘦均勻，金錢肚好爽口，牛筋好腍😀湯底有牛腩汁味，好香☺️選咗米線都幾爽口✅蠔油生菜+$13生菜真係好新鮮🥬食完想再食😋建議一定要點😙✅熱杏仁霜+$8豆漿賣灑，唯有下次再試下😆選咗杏仁霜，淡淡地唔會太濃味📍樂園魚旦專家 (新都城) (將軍澳)將軍澳貿業路8號新都城三期2樓210號舖

同朋友上堂前去新都城食快飯今次試左呢間魚蛋專家_同朋友叫左2磅麵加飲品1️⃣牛腩拼牛雜河粉推介牛腩 唔會鞋而且好入味，份量又多🤘🤘_2️⃣鳳城水餃拼墨魚丸河粉鳳城水餃🥟大粒又足料👍🏻特別推介墨魚丸唔會太粉，有魚香味👍🏻👍🏻_3️⃣凍檸茶 有4大塊檸檬🍋足料！_4️⃣凍檸樂凍檸樂每次都係首選，無得輸😍_再額外叫左菜心 中意夠林！蠔油係平時正常嗰種🤣🤣🦪總結推介牛腩同墨丸❤️高質！！