船仔 (京瑞廣場) (已結業)

平日夜晚walk in直接入得，order 左佢既”船麵任叫!串燒任食!汽水任飲”$108一位(星期五六日價)平日就$98一位。我地第一round 每樣都叫小小，乜都試下味。佢船麵每次只能叫一個餸，咁岩我去果日檬粉賣哂，我地試左金邊粉同米粉。金邊粉好食的😝湯底都唔差，有小小泰國既味道。串燒其實都唔差，牛串同雞串比較好食，佢仲有牛丸串、豬九串，雞卷串，三款都唔差，牛丸串同雞卷串仲幾好食，佢每次都比勁多沙嗲醬你。沙律就正正常常。無乜特別。佢野飲都係仼叫。總結:上次黎過其實叫一個麵同小食都$8x，今次$108食到咁多野，其實好抵食。本身見OpenRice既comment對佢既仼食評價唔高，純粹念住黎試下。食落又唔差，叫左一共3-4round，每次都唔算等好耐，二人一共叫左3碗麵，12串串燒，8串丸，三碗生菜，二碗沙律，一罐可樂。其實都真係幾抵。